Bul esim jekpe-jek áleminde keńinen tanymal. Avstralııanyń týmasy 2017 jyly Fınlııandııanyń astanasy – Helsınkıde ótken ADCC týrnırinde alǵashy ret boı kórsetkenine qaramastan birden jankúıerlerdiń zor qoshemetine bólendi. Sol jarysta Kreıg Djons álemniń bes dúrkin chempıony degen dardaı ataǵy bar aty ańyzǵa aınalǵan sportshy Leonardo Loýdy «qylqyndyrý» ádisimen utyp, barsha kórermendi tamsandyrdy.
Sodan keıingi jyldary onyń esimi baspasóz betterinen túsken joq. Kóptegen jarystarda jeńis tuǵyryna kóterilgen Djons 2016 jyly Almatyda ótken irikteý týrnırinde top jaryp, álem chempıonatynyń joldamasyna ıelik etti. AQSh-tyń Los-Andjeles qalasynda tórtkúl dúnıeniń teńdessizderi jınalǵan jarysty jasyl qurlyqtyń ókili kúmis medalmen qorytyndylady.
Sol kezde Avstralııanyń ókiline Qazaqstan keremet unaǵan eken. Sol sebepti de bıyl ol Alataý baýraıyna qaıta kelip, «Arlan Grip Championship 2019» dodasyn tamashalaýǵa nıet bildiripti.
Esterińizge sala keteıik, «Rýhanı jańǵyrý» baǵdarlamasy aıasynda Almaty qalasy ákimdiginiń qoldaýymen uıymdastyrylyp otyrǵan aıtýly týrnır úsh kúnge sozylyp, osy básekelerde alys jáne jaqyn shet memleketterden kelgen 1300-dep asa sheberlerdiń kúsh synasady.
ALMATY
