Kezdesý aıasynda jas ǵalymdar, oqytýshylar, qyzmetkerlerden quralǵan top ókilderi ýnıversıtet rektorymen birge ashyq suqbat alańynyń formatynda ózderin tolǵandyrǵan akademııalyq, ǵylymı, áleýmettik máselelerge qatysty túrli usynys-pikirlerimen bólisti. Ýnıversıtet rektory osyndaı ashyq talqylardyń ýnıversıtet ómiriniń ártúrli satysyna áser etetindigin, ınstıtýttardaǵy qordalanǵan máselelerdi birlese sheshý qajettigin alǵa tartty. Sonymen qatar Tahır Ospanuly ýnıversıtet tarapynan jasalyp jatqan, aldaǵy ýaqytta josparlanǵan bastamalarymen de bólise otyrdy.
Elýden astam jas maman jıyrma beske jýyq naqty usynys-saýalyn ýnıversıtet basshylyǵyna joldady. Birshama másele sol kezdesýde rektordyń tikeleı qadaǵalaýymen birden jaýapty tulǵalary anyqtalyp, óz sheshimderin taýyp jatty. Kóp máselelerdiń arasynda - doktorantýradaǵy ózekti jaǵdaılar, jas oqytýshylardyń jalaqy kóleminiń jetkiliksizdigi, baspanamen qamtý baǵdarlamalarynan habarsyzdyǵy, aǵa býyn professorlyq qurammen urpaq sabaqtastyǵynyń ajyrap qalýy, kadrlyq ósim perspektıvalary, sportqa baýlý is-sharalarynyń júıeli júrgizý baǵyttary men ınstıtýttardyń qazirgi kórinisi, ınfraqurylymdyq-zerthanalyq jabdyqtalý tárizdi kókeıkesti máseleler qarastyryldy.
Jalpy atalǵan ashyq kezdesý formaty jas mamandardyń ótinishimen árbir eki aıda turaqty júrgizilip turatyndyǵy usynyldy. Rektor óz kezeginde, mundaı ıgiligi zor barsha ýnıversıtettiń jas ujymynyń ortaq áreketterimen keleshegi jarqyn damýǵa bastaıtyn qadamdar árqaısynyń tikeleı qatysýymen ǵana júzege asatyndyǵyna zor senim bildiretindigin, árdaıym rektorat tarapynan qyzý qoldaý kórsetetindigin tilegin jetkizdi.
ALMATY
