Memleket basshysy Qasym-Jomart Toqaev elordany odan ári damytý jónindegi keńeste ortalyq temirjol aýrýhanasynyń ǵımaraty eskirip, apatty jaǵdaıda ekendigin atap ótti.
Keńeste memlekettik-jeke seriktestik aıasynda 800 oryndyq kópbeıindi aýrýhana salý jobasy qoldaý tapty. Jobaǵa Túrkııadan ınvestorlar tartyldy. Sheteldik kompanııanyń aýrýhanalar qurylysynda úlken tájirıbesi bar. Qurylys jumystary kelesi jyly bastalady. Medısınalyq ortalyq álemdik standarttarǵa sáıkes zamanaýı jabdyqtarmen qamtylatyn bolady.
Sondaı-aq keńeste jıhaz korpýstary men aǵashtan jasalǵan buıymdar óndirý sehynyń,kommýnaldyq arnaıy tehnıkany qurastyrý zaýytynyń, azyq-túlik qaýipsizdigin qamtamasyz etý úshin kóterme-bólý ortalyqtarynyń, zergerlik fabrıkasynyń jáne t. b. ınvestısııalyq jobalary qaraldy.
Elorda ákimi A. Kólginov el basshylyǵy ınvestısııalardy tartýǵa erekshe nazar aýdaratynyn aıtty.
- Qolaıly jaǵdaı jasaý jáne ınvestısııalyq klımatty jaqsartý úshin bar kúsh-jigerimizdi salýdamyz, - dep atap ótti A. Kólginov.
