Táýelsizdik alǵan jyldary Almatyda nebári 13 qazaq mektebi bolǵan. Sonyń biri hám biregeıi – osy Shoqan Ýálıhanov atyndaǵy mamandandyrylǵan №12 gımnazııa. Eldiń egemendik alýyna septesken talaı tulǵalar osy ǵasyrǵa jýyq tarıhy bar bilim oshaǵynan túlep ushqan.
Egemendigimizdi jarııalaǵan ýaqytta Almatyda qazaq tilinde bilim alatyn 15 myńǵa tarta oqýshy bolypty. Sonyń 2000-ǵa jýyǵy osy jerde oqyǵan. Tipti álippeni oryssha bastap, 2-3 synypta qazaq mektebine aýysqandar kóp. Tálimgerlerdiń kóptigine qaramastan, ustazdar talaı uly tulǵalardy tárbıelep shyqqan.
«О́zderińiz bilesizder, táýelsizdik alǵash alǵan jyldary elimizde qandaı jaǵdaı boldy. Qazirgi jaǵdaımen salystyrýǵa múldem kelmeıdi. Sodan beri bilim salasy óte qarqyndy damydy dep aıtýǵa bolady. Qazirgi tańda oqýshylarymyz kóptegen jetistikke jetip jatyr», – dedi Almaty qalasy Bilim basqarmasynyń bas mamany Bıbigúl Qabısalyqyzy.
45 jyl ustazdyq qyzmet etip kele jatqan Ásııa Shortan egemendik alǵannan keıin bilim berý salasy kúrt ózgergenin aıtady.
«Táýelsizdigimizdi jarııalaǵaly beri týra 28 jyl ótti. Osy ýaqyt aralyǵynda bilim salasynda túrli reformalar oryn aldy. Bilim berý ádisteri de ózgertildi. Ustazdar jyl saıyn tájirıbelerin arttyryp tursa, bilim oshaqtary sońǵy úlgidegi tehnologııamen jabdyqtalyp jatyr. Al, almatylyq oqýshylar, pándik olımpıadalar men halyqaralyq baıqaýlarda top jaryp júr», – dedi Ásııa Shortan
Osy kúni Almatyda 205 mektep bar. Onyń 68-i qazaq tilinde. Memlekettik tilde bilim alyp jatqan oqýshylardyń sany 128 myńnan asady. Bul –Táýelsiz el tarıhynyń bir ǵana parasy.
ALMATY
