Almaty qalasy ákimdiginiń qoldaýymen «Rýhanı jańǵyrý» baǵdarlamasy aıasynda uıymdastyrylǵan aıtýly týrnırde alys-jaqyn shet memleketterden kelgen alty komanda baq synady. Barlyǵy 225 qatysýshy. Osy básekeler barysynda 183 altyn, 161 kúmis jáne 232 qola medal sarapqa salyndy.
Túrli jas erekshelikteri boıynsha ótken jarysta Qazaqstan quramasy tolaǵaı tabysqa qol jetkizip, júldelerdiń denin qanjyǵalaryna baılady. Aıtýly dodada Bekjan Jamanbaı, Seıilhan Bolatbek, Aıat Tóleýbek, Ańsar Komarov, Nıkıta Bondarenko, Mehrıshat, Ábdýjálelov, Taımas Sálimov, Álınur Qýatuly, Bekmuhamet Shermaǵanbet, Juban Shyńǵys, Álı Omarádil, Rafael Orynbaev, Álı Omarádil, Meıram Samatov, Eskendir Iýldashev jáne taǵy basqa jerlesterimiz jasyndaı jarqyrap, jeńis tuǵyryna kóterildi.
Bul bir keremet ári áserli jarys boldy. Respýblıkamyzdyń ár óńirinen jınalǵan balǵyn sportshylar men sheteldik jas órender saıysqa túsip, jekpe-jektiń osy túrlerin jap-jaqsy meńgergenderin baıqatty. Olardy qoldaý úshin ata-analary, týǵan-týystary, tipten ata-ájelerine deıin keldi. Baq synaýshylar qatarynda balalar úıiniń tárıbelenýshileri de boldy. Aralarynda júlde alǵandary da bar. Bizdiń federasııa balalar úıine árkez qoldaý kórsetip júr. Eń bastysy, osy jarysqa qatysýshylar jáne jankúıer bolyp kelgen kórermenderdiń barlyǵy da keremet áserge bólendi, – deıdi Qazaqstan Respýblıkasy brazılııalyq djıý-djıtsý men grepplıng federasııasynyń vıse-prezıdenti Aqmaral Qanatbaeva.
ALMATY
