Aqyn-jazýshylarmen ádebı-tanymdyq júzdesýge joba qatysýshylary Qazaqstan Jazýshylar Odaǵynyń múshesi, jazýshy, jýrnalıst, aýdarmashy Kádirbek Segizbaev, aqyn, aýdarmashy Qýanyshbaı Qurmanǵalıev jáne I «Rýh» halyqaralyq onlaın-ádebı konkýrsynyń «Úzdik ádebı syn» nomınasııasynyń jeńimpazy, QR Prezıdenti stıpendııasynyń ıegeri, jas aqyn Bekzat Smadııar qonaq bolyp keldi.
Qalamgerler oqyrmandarǵa jazyp jatqan shyǵarmalary jaıly keńinen áńgimelep, «Tarıhı-ádebı ólketanýdy damytý» jobasynyń mańyzdylyǵy týraly túsindirdi. Sonymen qatar jazýshy Kádirbek Segizbaev Almaty shaharynyń qurylý tarıhy, ár jyldary basqarǵan basshylardyń eńbekteri jáne tabıǵatty saqtaý, ekologııa máselesin sóz etti. Aqyn Qýanyshbaı Qurmanǵalıev HH ǵasyrdyń ekinshi jartysyndaǵy jastar ómiri men qala kelbeti týraly aıtsa, al moderator, jas aqyn Bekzat Smadııar atalǵan aıtýly jobanyń mán-mańyzyn ashýǵa tyrysty.
Kesh qonaqtary oqyrmandardyń saýal-pikirlerine jaýap berip, kitaphana qoryna arnaıylap jeńe qoltańbasymen kitaptaryn tabystady.
ALMATY
