Qazirgi ýaqytta tıisti qujattar ázirlenip jatyr. Jańa balabaqsha salynsa, qaladaǵy mektepke deıingi mekemelerge degen kezek sál de bolsa azaıar edi deıdi mamandar. Qazir qala boıynsha 45 myń búldirshin balabaqsha kezeginde tur. Sondaı-aq birneshe jyldan beri bos turǵan «Iýnost» kınoteatry ǵımaratynda bolashaqta sport ortalyǵy ashylady. Al myna kóp qabatty turǵyn úı kesheni byltyr salynyp bitýi tıis edi. Alaıda Almatynyń taýly betkeıinde úsh qabattan asatyn ǵımarat salýǵa tyıym salynǵannan keıin 2016 jyly qurylys toqtatylǵan.
Endi bul jerden sport nemese mádenıet saraıyn ashý josparda bar.
Qalanyń Áýezov aýdanynda osyndaı eskerýsiz qalǵan, biraq paıdaǵa asyrýǵa bolatyn 30 ǵımarat ınvestorlarǵa tanystyryldy.
«Eki ǵımarat – týberkýlez dıspanseri men «Iýnost» kınoteatry Almaty áleýmettik kásipkerlik korporasııasynyń enshisinde. Qalǵandary jekemenshikke tıesili. Balabaqsha, damytý ortalyqtary men medısınalyq mekeme ashýǵa daıyn ǵımarattar da bar. Sondaı-aq jekemenshik ıelegindegi bos jatqan jerlerge turǵyn úı keshenderin jáne áleýmettik nysandar salý úshin ınvestorlardy tartyp jatyrmyz», deıdi Áýezov aýdandyq ákimdigi kásipkerlik jáne óndiris bóliminiń bas mamany Mádına Kárimova.
ALMATY
