Bul qordy quryp, jarysty uıymdastyratyn ózimizdiń áriptesimiz, patrıot aǵamyz О́mir Esqalı. Osy kúni ol «Jeltoqsan» oqıǵasyna qatysqan barlyq azamattardy, Nurjan Qalıáskerovtyń týystaryn, oblysqa belgili qoǵam jáne sport qaıratkerleriniń basyn qosady.
Jıynǵa qatysýshylardyń biri Baǵdat Muqanova: «Men de QazMÝ-diń tarıh fakýltetinde oqyp júrgende sol oqıǵaǵa qatysqan adammyn. Jeltoqsanshyny eske alyp, qurmet kórsetilip jatqanyna rızashylyǵymdy bildiremin», dedi.
Nurjan Qalıáskerov 1986 jyly Almatydaǵy sáýlet-qurylys ınstıtýtynda oqyp júrip, Jeltoqsan oqıǵasyna qatysqan. Sol jerde aýyr dene jaraqatyn alyp, sonyń saldarynan syrqatqa ushyrap, birneshe jyldan keıin qaıtys bolǵan. Artynda bir uly qaldy.
Keshegi voleıbol týrnırine oblystyń barlyq aımaqtarynan 13 komanda qatysty. Jeńimpaz komandaǵa oblystyq IIB syılyǵy tabys etildi. «Jeltoqsan qorynyń» atynan О́.Esqalı oqıǵaǵa qatysýshylarǵa syı-sııapattar tartý etti. Sonyń ishinde ózderine jazasyn óteýge kelgende «dekabrıst» dep jeltoqsanshy Q.Kúzembaevqa dárigerlik kómek kórsetpegen «adam janynyń» arashasyn jazalap, kómek kórsetýge mindettegen sol kezdegi kolonııa bastyǵynyń orynbasary Erkebulan Bekturovtyń ıyǵyna shapan japty. Bul azamattyń adamgershiligi men patrıottyǵy eresen ekendigi kórinip tur. «Sol isim úshin maǵan kóz alartqandar az bolǵan joq. Sonyń ishinde ózimizdiń qazaqtar da boldy» deıdi ol.
Sóıtip, Jeltoqsan qurbandary elimizdiń teristiginde osylaı eske alyndy. Jarystyń sońynan olardyń rýhtaryna quran baǵyshtalyp, as berildi.
QYZYLJAR
