Aımaqtar • 10 Jeltoqsan, 2019

Nurlan Noǵaev: «Jemqorlyqpen kúrestiń eń nátıjeli quraldarynyń biri – sıfrlandyrý»

27 ret kórsetildi

Atyraýda jemqorlyqqa qarsy kúres pen onyń aldyn alý joldary, memlekettik qyzmetterdiń sapasyn baqylaý máseleleri talqylanǵan saltanatty shara ótti, dep habarlady О́ńirlik kommýnıkasııalar qyzmeti.

Atyraý oblysynyń ákimi Nurlan Noǵaev sharanyń ashylýynda sóılegen sózinde jemqorlyqtyń qaı elde bolmasyn qoǵamǵa keri áser tıgizetin zaýal ekenin, Qazaqstan halyqtyń jemqorlyqqa qarsy mádenıetin qalyptastyrýǵa umtylyp otyrǵan elder qatarynda ekenin atap ótti.

-Qazaqstannyń Tuńǵysh Prezıdenti  – Elbasy óziniń «Ult jospary – 100 naqty qadam» maqalasynda jemqorlyqpen kúresti kúsheıtýdiń naqty sharalaryn anyqtap berdi. Jemqorlyq baǵytyndaǵy quqyqbuzýshylyqtardyń júıeli aldyn alý sharalary. Memlekettik qyzmetkerlerdiń ashyqtyǵy jemqorlyq belgileriniń azaıýyna septesedi. Jemqorlyq táýekelderin tómendetýdiń nátıjeli ádisteriniń biri – memlekettik organdardyń áleýmettik jelilerdegi ashyqtyǵy.

Bul – memleket basshysynyń tikeleı tapsyrmasy. Túıtkildi máselelerdi sheshý kezinde memlekettik qyzmetkerlerdiń turǵyndarmen tikeleı qarym-qatynas jasaýyna jol bermeý. Kóptegen máseleler elektrondy formatta sheshiledi, dedi Nurlan Noǵaev.

–Turǵyndarmen tyǵyz qarym-qatynas ornatý maqsatynda Atyraý oblysy ákimdiginiń Telegram chat-arnasy ashyldy. Bul óńirde týyndaǵan ózekti máselelerdi jedel sheshýdiń óte tıimdi ádisi. Qazirgi tańda Atyraý oblysy ákimdiginiń chat-arnasynda 14 myń adam tirkelgen jáne olardyń árqaısysy kókeıindegi suraqty qoıyp, tolyqqandy jaýap ala alady.

Aımaq basshysy atap ótkendeı, apta saıyn aýdan ákimderiniń, memlekettik organ basshylarynyń tikeleı efıri ótkizilip turady. Jemqorlyqpen kúrestiń eń nátıjeli quraldarynyń biri – málimetter berýdi sıfrlandyrý.

Qazirgi tańda, memlekettik qyzmettiń basym bóligi elektrondy formatta kórsetilip, memlekettik qyzmetkerdiń qyzmet alýshymen tikeleı qarym-qatynas ornatýyna jol bermeıdi.

Atyraý oblysy ákimdiginiń qoldaýymen «Geoaqparattyq portal» jobasy júzege asýda. Bul turǵyndar úshin qajetti aqparatty ınternet arqyly alýǵa múmkindik beredi. Biz atalǵan júıeni alǵa qaraı da jetildire beremiz, dep málimdedi oblys ákimi.

Geoportal – turǵyndardy, jergilikti atqarýshy organdardy jáne aımaq týraly kartografııalyq aqparatty bir aqparattyq arnaǵa toǵystyrǵan otandyq ınnovasııalyq IT-joba.

Sybaılas jemqorlyqqa qarsy Agenttiginiń Atyraý oblystyq departamentiniń basshysy Nyǵmedjan Saparov, óz sózinde bul qoǵam dertiniń álemniń barlyq elderinde, olardyń damý deńgeıine qaramastan oryn alyp otyrǵanyn atap ótti.

-Ol ekonomıkalyq damýdy turalatyp, qoǵamdyq tártipti buzyp, qoǵamnyń senimine selkeý túsiredi. Búginde jemqorlyqqa qarsy Agenttik aımaqta aýqymdy aldyn alý jumystaryn júrgizip otyr. Bıyl 2,5 myńnan astam is-shara ótkizildi. Olar halyqtyń barlyq toptaryn qamtydy.

Qurylǵan arnaıy organ jemqorlyqtyń saldarymen kúresip qana qoımaı, atalǵan baǵyttaǵy memlekettik saıasatty halyqqa túsindirý jumystarymen, turǵyndardyń jemqorlyqqa qarsy mádenıetin joǵarylatýmen aınalysady, dedi Nyǵmedjan Saparov.

Shara barysynda birqatar qoǵam belsendileri, BAQ ókilderi jemqorlyqqa qarsy kúreske, qoǵamda jemqorlyqqa qarsy mádenıetti qalyptastyrýǵa qosqan úlesteri úshin alǵys hattarmen marapattaldy.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar