Qazaqstanda buǵan deıin óndirilmegen 500-den astam ónim túri shyǵaryla bastady. О́ńdeý sektorynyń ónerkásip qurylymyndaǵy úlesi 2009 jyly 32% bolsa, 2018 jyly 38% jetti, al ınvestısııadaǵy úlesi 17%-ten 19%-ke artty.
О́ndiris kólemi naqty kórsetkishte 42,3% artty. О́simge eń úlken úles qosqan salalar: metallýrgııa ónerkásibi (42%), azyq-túlik óndirisi (13,7%), mashına jasaý (10,7%) jáne qurylys materıaldary óndirisi (10%).
Osy kezeńde otandyq ekonomıkaǵa 32 mlrd AQSh dollarynan astam tikeleı shetel ınvestısııasy tartyldy.
О́ńdeý ónerkásibiniń qurylymy ózgerdi: avtomobıl ónerkásibi, iri temir jol mashınasyn jasaý, munaı-gaz salasyna mashına jasaý, kúrdeli tyńaıtqyshtar óndirisi sııaqty jańa baǵyttar qosyldy.
Tıtan quımasy men qorytpasyn óndiretin zaýyt ashylǵan soń buǵan deıin Qazaqstanda óndirilmegen ónim – tıtan quımasy men qorytpalar óndirisi jolǵa qoıyldy. Qazaqstan tıtanynyń álemdik naryqtaǵy úlesi 11%, áýe-ǵarysh salasynda 17%-ke jetti.
Mashına jasaý salasyndaǵy ónerkásip kólemi 3,8 ese ulǵaıdy.
11 farmasevtıkalyq kásiporynnyń 20 óndiristik alańynda GMP halyqaralyq standarttary engizildi.
Qurylys materıaldary óndirisi salasy kóptegen ónim túrleri boıynsha ımportqa táýeldilikten qutyldy.
Indýstrııalandyrý jyldary shıkizattyq emes 70 taýar túri boıynsha óndiris kólemi ulǵaıtylyp, eksport jolǵa qoıyldy.
Búgingi tańda Qazaqstanda óndirilgen taýarlardy álemniń 120-dan astam elinde tutynady.
