Bir ǵasyr jasaǵan keıýana mereıtoıyn ul-qyz, nemere, shóberelerimen birge toılady. Aýdan atynan ájeıge syılyqtar jasalyp, qurmet kórsetildi. Lıýdmıla Koval óz kezeginde uzaq jasaýdyń qupııasymen bólisti.
Lıýdmıla Koval 1919 jyly Saratovta dúnıege kelgen. 1961 jyly Qazaqstanǵa joldamamen kelip, «Bıokombınatta» uzaq jyldar boıy mıkrobıolog bolyp istegen. Sodan zeınetke shyǵyp, ul-qyz, nemereleriniń qyzyǵyn kórip otyr.
«Bul kisi búgin attaı 100 jasqa tolyp otyr. Ǵasyrdyń qurdasy. Qazir ul-qyzdarynyń, nemere-shóbereleriniń, nemeneleriniń qolynan sý iship otyr. Bul kisi baqytty adam. Osyndaı qarııalarymyz aman bolsyn», - dedi Almaty qalasy Bostandyq aýdanynyń Ardagerler jáne zeınetkerler keńesiniń tóraǵasy Hamıt Birjanov.
ALMATY
