Spıkerlerdiń aıtýynsha, Almatynyń ózindik basty máseleleri bar. Olar ekologııa, transport jáne qaýipsizdik. Alǵa qoıylǵan mindet – sarapshylardy, qoǵam qaıratkerleri men belsendilerin osyǵan jumyldyrý.
«Urban Conference-te ortaǵa salyp, sheshimin birge tabýǵa shaqyrǵymyz keletin taǵy da birqatar máseleler bar», – dedi Eldar Abdrazaqov.
Kazakhstan Urban Conference uıymdastyrý komıtetiniń múshesi Artashes Grıgorıan forýmnyń kún tártibine toqtalyp, onda jınalǵan qaýym Úlken Almaty 5 mıllıon turǵyny bar metroaımaq bolýǵa daıyn ba degen máseleni talqylaıtynyn aıtty. Sondaı-aq marapattaýǵa laıyq 3 úzdik áleýmettik jobanyń iriktelip alynatynyn málimdedi.
«Sharanyń eń mańyzdy tusy – Baqytjan Saǵyntaevtyń baıandamasy bolmaq, sebebi Almaty ákimi óz baıandamasynda «Almaty-2050» damý strategııasynyń sońǵy nusqasyn usynady»,– dedi Kazakhstan Urban Conference uıymdastyrý komıtetiniń múshesi Artashes Grıgorıan.
ALMATY
