Tuńǵysh Prezıdent kúnine arnalǵan asyq atýdan «Altyn saqa» respýblıkalyq týrnırine elimizdiń 12 oblysy, atap aıtar bolsaq, Jambyl, Qostanaı, Túrkistan, Aqmola, Batys Qazaqstan, Almaty, Pavlodar jáne Qaraǵandy, Qyzylorda oblystary men Nur-Sultan qalasynan 100-ge jýyq sportshy qatysty.
Asyq atý sporty boıynsha birinshi oryndy Jambyl oblysynyń jampozy Nursultan Qalmaǵanbetov oljalady. Nur-Sultan qalasynyń óreni Kenjebek Bekjan ekinshi oryndy ıemdense, Túrkistan oblysynan kelgen Musa Bıbolsyn qola júldeni qorjynyna saldy. Týrnırdiń bir ereksheligi – saıystar komandalyq emes, jekeleı túrde uıymdastyryldy.
Sonymen qatar bes asyq boıynsha bas júlde barlyq qarsylasynan oza shapqan Nur-Sultan qalasynyń ókili Uljalǵas Qudaıberdıevaǵa buıyrdy. Qostanaı oblysynan Nazerke Serkebaeva kúmis júlde enshilese, taǵy bir qostanaılyq sportshy Arýjan Súımentaı úzdik úshtikti túıindedi.
Eskendir RAHMETOV,
Nur-Sultan qalasynyń asyq atý oıyny sportynan aǵa jattyqtyrýshysy
