Bul shara «Rýhanı jańǵyrý» baǵdarlamasy sheńberinde júzege asyp otyr. Jınalǵandar qazaq mýzykasynyń sımfonııalyq kúı janrynyń negizin qalaǵan tulǵa jaıly estelikter aıtty. Ashylý saltanatyna sazgerdiń izin basqan shákirtteri men týystary qatysty.
«Átteń, kompozıtor emespin. Bizde kompozıtorlardyń ózi sırep bara jatyr. Úlken janrda jumys isteıtin. Egerde kompozıtor bolsam, átteń búgingi taqyrypqa arnap, Erkeǵalı Rahmadıevtiń «Tań samaly» ánin jurttar bile ma joq pa? Soǵan bir leıtmatıv jazyp, úlken bir operalyq shyǵarma jazýǵa bolar edi dep oılaımyn», dedi Memleket syılyǵynyń ıegeri, jazýshy, dramatýrg Dýlat Isabekov.
Aıta keteıik, Erkeǵalı Rahmadıev 27 jyl boıy Qazaqstan kompozıtorlar odaǵynyń tóraǵasy, KSRO Kompozıtorlar odaǵynyń hatshysy boldy. Al 2010 jyly oǵan «Qazaqstannyń Eńbek Eri» ataǵy berildi. Onyń shyǵarmalarynda qaharmandyq-patrıottyq taqyryp negizgi oryn alady. Kompozıtordyń «Qamar sulý», «Alpamys», «Tyń tynysy» operalary, «Daırabaıdyń kúıi», «Amangeldi atty sımfonııalyq poemalary elimizde jáne shetelderde joǵary baǵaǵa ıe bolǵan.
