Rýhanııat • 13 Jeltoqsan, 2019

Sibirdiń syńǵyr úni – elorda kórermenderin tánti etti

79 ret kórsetildi

Qyraýly qys mezgilimen birge elordaǵa Sibirdiń syńǵyr úni de qatar jetti. D.Hvorostovskıı atyndaǵy Krasnoıarsk memlekettik opera jáne balet teatry Qazaqstanǵa jasaǵan alǵashqy gastroldik saparyn «Astana Opera» teatry tórinde abyroımen ótkizdi. Shyǵarmashylyq ujymnyń tamasha tartýy – A.Borodınniń «Knıaz Igor» operasy men A.Glazýnovtyń «Raımonda» baletin astanalyq kórermen zor qoshemetpen qarsy aldy.

– D.Hvorostovskıı atyndaǵy Kras­noıarsk memlekettik opera jáne balet teatry óz tarıhynda qazaq jerine tuńǵysh ret óner saparymen kelip otyr eken. О́te qýa­nyshtymyz. Ásem astanalaryńyzdyń kóz súısinter kórki, arhıtektýranyń úz­dik úlgisin tanytatyn «Astana Opera» teatry­nyń ǵalamat ǵımaraty bizdi erek­­­she tańǵaldyrýda. Mundaı tamasha mádenıet ordasynda óner kórsetýge múm­kindik týdyryp otyrǵan qonaqjaı qazaq eline aıtar alǵysymyz sheksiz. Jalpy, alǵash ret bolǵannan keıin de Qazaqstanǵa josparlaǵan óner sapary­myzdyń erekshe ótkenin qaladyq. Ujy­my­myzben uzaq aqyldasa otyryp, re­per­týardaǵy úzdik jumystarymyzdy irik­tep ákeldik. «Knıaz Igor» operasy teatrymyzdyń boıtumary ári qazaq halqyna jaqyn taqyryp bolýy sebepti tańdaýymyz dál osy qoıylymǵa tústi. Al «Raımonda» baleti trýppamyzdyń barlyq shyǵarmashylyq áleýetin tanytady dep oılaımyz. Nur-Sultan qala­synyń talǵampaz kórermeni ónerimizdi joǵary baǵalaıdy dep senemiz, – deıdi  D.A.Hvorostovskıı atyndaǵy Krasnoıarsk memlekettik opera jáne balet teatrynyń dırektory Svetlana Gýzıı.

Iá, teatr basshysy atap ótkendeı, kompozıtor Aleksandr Borodınniń «Búkil ómirime tatıtyn týyndym» dep ataǵan áıgili «Knıaz Igor» operasynyń Krasnoıarsk teatry tarıhynan  alatyn orny aıryqsha. О́ıtkeni dál osy qoıy­lymnyń  premerasymen birinshi teatr maýsymy ashylyp, óner ordasynyń tarıhy bastalǵan edi. Arada qansha jyl ótse de týyndy tyńdarman arasyndaǵy mańyzy men tanymaldylyǵyn tıtteı de joǵaltqan joq.

Oqıǵa jelisi áıgili «Igor jasaǵy týraly sóz» shyǵarmasyna negizdelgen monýmentaldy klassıkalyq operanyń búginde kórermen arasynda juldyzy qan­shalyqty jaryq bolsa, jalpy teatr tarıhyndaǵy taǵdyry buralań. Atal­ǵan shyǵarmany jazý úshin kompozıtor ómiriniń 18 jylyn jumsaǵan. Alaıda mýzykant ol armanyna jete almady. A.Borodın qaıtys bolǵannan keıin shákirti Aleksandr Glazýnov ustazynyń jumysyn sońyna jetkizdi.  Sibir teatry sahnasynda zor tabyspen ótip jatqan aıtý­ly klassıkalyq opera qoıýshy dırı­jer – Reseıdiń eńbek sińirgen ártisi Anatolıı Chepýrnoı men qoıýshy re­jıs­ser – Reseıdiń eńbek sińirgen ár­tisi Iýlıana Malhasıanstiń tamasha tan­deminiń arqasynda zor tabysqa jetti. Áıgili týyndy búginde Sibir teatrynyń betke ustar úzdik qoıylymdarynyń birine aınalyp otyr.

Al elordalyq baletsúıer qaýym úshin Krasnoıarsk teatrynyń  «Raımonda» romantıkalyq baleti tamasha tartý bol­­ǵany anyq. Horeografııalyq talap turǵysynan oryndalýy kúrdeli qoıy­­lymdar sanatyna kiretin aıtýly týyndy bálkim sol kúrdeliligimen de kórkem bolar. Joryqtan qaıtqan súıik­tisin kútken boıjetkenniń shytyrmanǵa toly hıkaıasy bı tilinde ta­masha beınelenedi. Balettiń atasy Marıýs Petıpanyń horeografııa­sy negizinde qoıylǵan KSRO halyq ártisi, Qazaqstannyń eńbek sińirgen qaı­ratkeri Iýrıı Grıgorovıch jumysy kórkemdikti bı tilinde kórýge beıim bekzat kórermen úshin sahnada ónerdiń shyn mánindegi úlken merekesin jasap berdi. Klassıkalyq bı qımyldary arqyly ıspan-arab jáne vengr sarynyn bir balettiń boıyna sátti toǵystyrǵan horeograf jumysy orta ǵasyrdaǵy rysarlyq kezeńdi sátti sýretteıdi.

Eki kún boıy bas shahar tórin dýmanǵa bólegen D.Hvorostovskıı atyndaǵy Kras­noıarsk memlekettik opera jáne balet teatrynyń óner saparyn  elordalyqtar men qala qonaqtary zor yqylaspen qarsy aldy. Shymyldyq jabylǵannan keıingi tolassyz soǵylǵan shapalaq úni sonyń aıǵaǵy.  

 

Sońǵy jańalyqtar

Tulǵa týraly týyndy

Ádebıet • Búgin, 22:05

Jolbarys jymy

Tarıh • Búgin, 22:03

Jıyrmasynda jalyn keshken

Poezııa • Búgin, 22:00

Baıanaýyl basyna bulan úıir

Aımaqtar • Búgin, 21:58

El senimin jalǵaǵan joba

Ekologııa • Búgin, 21:57

Jelaıaqtar Astanada jınalady

Jeńil atletıka • Búgin, 21:54

Jádiger bolyp jetken alǵys

Jádiger • Búgin, 21:53

Jánibekti jekpe-jekke shaqyrdy

Kásipqoı boks • Búgin, 21:49

Álem kýboginde top jardy

Sport • Búgin, 21:47

Otpan taýdaǵy salbýryn

Qoǵam • Búgin, 21:38

Dollar qymbattady

Qarjy • Búgin, 16:27

Aldaǵy úsh kúnde áli de aıaz saqtalady

Aýa raıy • Búgin, 13:53

Uqsas jańalyqtar