Bul sharalar «Rýhanı jańǵyrý» memlekettik baǵdarlamasy sheńberinde uıymdastyryldy.
Meıram qarsańynda Jetisý aýdanynda jergilikti ákimdik qalanyń damýyna úlesin qosýshylarǵa alǵys hattar men arnaıy medaldar tabystady. Al Ǵ. Músirepov atyndaǵy Qazaq memlekettik balalar men jasóspirimder teatrynda ótken sharada arnaıy qoıylym qoıyldy.
«Barshańyzdy shyn júrekten quttyqtaımyn! Zor densaýlyq, mol baılyq, qajymas qaırat tileımin. Búgin biz Jetisý aýdanynyń Ǵabıt Músirepov atyndaǵy jasóspirim teatrynda úlken saltanatty is-shara ótkizip, quttyqtadyq», - dedi Almaty qalasy Jetisý aýdany ákiminiń orynbasary Vıacheslav Vavılın.
Sondaı-aq Táýelsizdik merekesin Naýryzbaı aýdanynyń turǵyndary da atap ótti. Merekelik konsertte estrada juldyzdary án salyp, áserli kúıler shertildi jáne táýelsizdik tarıhynan syr shertken beınerolıkter kórsetildi. Munda qala damýyna qosqan mol úlesi úshin aýdannyń memlekettik qyzmetkerleri, bilim jáne medısına salasynyń ókilderi men belsendileri, kásipkerleri aýdan ákiminiń Qurmet gramotasymen jáne Alǵys hattarymen marapattaldy.
Merekelik shara qalamyzdyń Áýezov aýdany ákimdiginiń uıymdastyrýymen de Natalııa Sas atyndaǵy memlekettik akademııalyq balalar men jasóspirimder teatrynda jalǵasyn tapty. Memlekettik Ánuranmen bastaý alǵan saltanatty sharada aýdan ákimdiginiń basshylary turǵyndardy merekemen quttyqtap, qoǵam qaıratkerlerin, memlekettik qyzmetkerlerdi, ardagerlerdi jáne Jeltoqsan oqıǵasyna qatysýshylardy quttyqtady.
«Kók týymyz eshqashan tómendemesin, qazaq tili damı bersin. Táýelsizdik alǵan elder ishindegi myqty, bedeldi memleketi bolsyn», - dedi «Jeltoqsan» oqıǵasynyń qaıratkeri Jandos Yrysbaev.
ALMATY
