Al buǵan deıin jazýshy, aqyn, belgili qoǵam qaıratkeri Oljas Súleımenov Almaty qalasynyń ataýyn ózgertý qajettigi jaıynda bastama kótergen bolatyn. Ol alǵashqylardyń biri bolyp petısııaǵa qol qoıýǵa daıyn ekendigin málimdegen edi.
Bul máselege qatysty qala ákimi Baqytjan Saǵyntaev áleýmettik jelide «Qazirgi ýaqytta biz qala úshin Prezıdent Qasym-Jomart Toqaevtyń alǵa qoıǵan keshendi mindetterin sheshý jolynda jumys istep jatyrmyz. Jaqynda qabyldanǵan «Almaty 2050» Strategııasyn, qysqa jáne orta merzimdi josparlardy iske asyrý boıynsha jumystardy júrgizýdemiz», dep jazǵan.
Almaty qalasynyń burynǵy ataýyn qaıtarý máselesin otandastarymyz arasynda jıi qozǵalatyn taqyrypqa aınalǵan kórinedi. Mundaı bastamany kóteretinder qalanyń eski ataýyn almanyń sırek túri - aporttyń paıda bolý tarıhymen túsindiredi. Al shahar ataýyn ózgertýge qarsy bolatyndar bul úshin bıýdjetten qosymsha shyǵyn ketetinin alǵa tartady.
