Rýhanııat • 17 Jeltoqsan, 2019

Dımash Bıbigúl Tólegenovany mereıtoıymen quttyqtady

139 ret kórsetildi

Tanymal ánshi Dımash Qudaıbergen qazaqtyń bulbuly Bıbigúl Tólegenovany 90 jas mereıtoıymen quttyqtady.

«Asa qurmetti Bıbigúl Ahmetqyzy Tólegenova! Sizdi osynaý 90 jyldyq mereıtoıyńyzben quttyqtaımyn! Áli esimde 2015 jyly «Slavıan bazaryna» barǵaly jatqanda analyq aq batańyzdy berip tileýimdi tiledińiz. Qytaı elinde de jarysta júrgen kezimde joldaǵan batańyz áli esimde. Qazaq án óneriniń – anasy ekenińiz sózsiz. Bıbigúl apa, sizge, myqty densaýlyq, uzaq ǵumyr, 100 jyldyǵyńyzdy dúrkiretip atap óteıik! Sizdiń kúsh jigerińiz, eńbek etken joldaryńyz barlyǵy bizge bolashaqqa aparar úlken beles»  dep jazdy ánshi Instagram-daǵy paraqshasynda.

Buǵan deıin Almatydaǵy kıeli óner shańyraǵy, Abaı atyndaǵy opera jáne balet teatrynda Bıbigúl Tólegenovanyń 90 jyldyq mereıtoıyna oraı merekelik konsert uıymdastyrylatynyn habarlaǵan bolatynbyz.
Bulbul ánshiniń qurmetine ıtalıandyq ánshi Djýzeppe Verdıdiń «Travıata» atty ataqty operasy qoıyldy.

 

Ondaǵy bas partııany  óner ıesiniń vokalıster baıqaýynda bas júldege ıe bolǵan opera ánshisi Alfııa Karımova oryndady. Bıbigúl Tólegenovany quttyqtaýǵa kóptegen otandyq estrada juldyzdary men halyq ártisiniń erekshe talantyna bas ıetin óner súıer qaýym keldi.  

«Qazaq eli úshin keremet mereke - Táýelsizdigimizdi alǵanymyzǵa 28 jyl boldy. Qos mereke -  egemendigimiz ben Bıbigúl Ahmetqyzynyń 90 jyldyq mereıtoıy qatar toılanaıyn dep tur. Ol da úlken qýanysh. Eń bastysy, búkil qazaq eli úshin egemendigimizdi qolǵa alyp jatyrmyz. Egemendigimiz máńgilikke aınalsyn degim keledi, el tuǵyry bıik bolsyn. Kók baıraǵymyz jelbireı bersin!», - dedi QR Eńbek sińirgen qaıratkeri, estrada jáne opera ánshisi Tolqyn Zabırova.

Qazaqtyń bulbul ánshisiniń qurmetine uıymdastyrylǵan merekelik sharalar «Rýhanı jańǵyrý» baǵdarlamasy sheńberinde ótip jatyr. 

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar