Qoǵam • 18 Jeltoqsan, 2019

Almatyda Ortalyq Azııada sý resýrstaryn paıdalanýǵa baılanysty óńirlik konferensııa ótýde

646 ret

kórsetildi

1 mın

oqý úshin

«Sý resýrstaryn turaqty basqarý júıesindegi ınnovasııalyq tásilder jáne sheshimder jáne olardy Ortalyq Azııa jaǵdaıynda paıdalaný múmkindikteri» konferensııasynda óńirlik sý seriktestigi uıymdarynyń halyqaralyq yntymaqtastyǵyn damyta otyryp, Aral teńizi alqabynda jer jáne sý resýrstaryn ornyqty basqarýdyń ártúrli ádis-tásilderimen, ozyq tehnologııalarymen jáne tájirıbelerimen tanysýǵa jınalǵan qazaqstandyq jáne shetel mamandary Aral teńiziniń qurǵaq aýdandaryn óńirlik basqarýdy jaqsartý, aldyńǵy memleketaralyq sheshimderdiń basymdyqtary men negizgi qaǵıdalaryna sáıkes sýmen jabdyqtaý júıesindegi túıtkildi máselelerdi talqylaýda.

Elvıra SERIKQYZY

Almatyda Ortalyq Azııada sý resýrstaryn paıdalanýǵa baılanysty óńirlik konferensııa ótýde

Konferensııa Eýrazııa kontınenti yntymaqtastyǵy aıasyndaǵy tájirıbe almasý, sondaı-aq sý resýrstary salasyndaǵy ekijaqty jáne kópjaqty jeliler men tájirıbelik qoǵamdastyqtardy qoldaý, sý aǵysynyń jyldamdyǵy men kólemin túsiný, monıtorıng jasaý, Aral teńizi aýdandarynda sýmen qamtamasyz etý prosessterin jetildirý, kartalaryn qurastyrý jáne zamanaýı ǵaryshtyq qashyqtyq tehnologııalar salasyndaǵy máselelerdi de qarastyrý josparlanǵan.

Mamandar óńirlik dıalogty damytyp, tájirıbe almasý arqyly tehnologııalar men júıelerdi zerttep, Ortalyq Azııa halqynyń ál-aýqatyn jaqsartý maqsatynda ınvestısııalyq jobalarǵa da nazar aýdaratyn bolady.

ALMATY