О́ńirdegi memlekettik jastar saıasaty salasynyń damýyna úles qosyp, santúrli salanyń tizginin ustaǵan jastardy yntalandyrý maqsatynda ótken saltanatty jıynǵa Qazaqstan Respýblıkasy Premer-Mınıstriniń orynbasary Berdibek Saparbaev qatysty.
Saltanatty shara barysynda Qazaqstan Respýblıkasy Premer-Mınıstriniń orynbasary Berdibek Saparbaev jastarǵa arnalǵan memlekettik baǵdarlamalardyń tıimdiligin sóz ete otyryp, Mańǵystaýlyq jastarǵa ystyq yqylasyn jetkizdi. Úzdik jastarǵa dástúrli «Jas tulpar-2019» Mańǵystaý oblystyq jastar premııasyn tabys etti.
«Mańǵystaý maqtanyshy» arnaıy nomınasııasymen qazaq estradasynyń jas ánshisi, «Qazaqstan daýysy» jobasynyń jeńimpazy B.Retbaev, kompozıtor A.Qurmanov, dástúrli ánshi N.Asqanov, sonymen qatar «Boranqul» jaıdarman toby jáne «О́zenmunaıgaz» quramasy marapattaldy.
«Jomart júrek» nomınasııasyna qaterli isik aýrýyna shaldyqqan balalarǵa arnalǵan qaıyrymdylyq sharalaryn uıymdastyrýshy Erlan Erýbaev, «Beıbit kezeń batyry»nomınasııasyna Aqtaý qalasynda 10 qabattan sekirmekshi bolǵan áıel adamdy, sonymen qosa Kaspıı teńizine batyp bara jatqan jasqyzdy qutqaryp, jaqyndarymen qaıta qaýyshýyna úles qosqanTımýr Jumalıev laıyq dep tanyldy.
«Jas tulpar-2019» Mańǵystaý oblystyq jastar premııasynyń konkýrstyq komıssııasynyń sheshimimen:
«Úzdik jas sportshy» nomınasııasy Jubatqan Nursultan Manarbekulyna, «Munaı salasynyń úzdik jas mamany» nomınasııasy Eshanov Erbolat Myrzageldiulyna, «Úzdik jas jýrnalıst» nomınasııasy Mereke Úsembaıuly Mýsaevqa,«Úzdik volonter» nomınasııasy Taıjanov Nurlyǵasyr Janabaıulyna, «Jas aqyn» nomınasııasy Dúısenov Edilbek Medetulyna, «Jas daryn» nomınasııasy Masjanov Serijan Serikulyna,«Jas ónertapqysh» nomınasııasy Qýanova Aınur Aısaqyzyna, «Jas kóshbasshy» nomınasııasy Qurmanǵalıev Ǵanı Dáýletkereıulyna berildi.
О́ńirde «Jas tulpar» Mańǵystaý oblystyq jastar premııasyn tabystaý sharasy 2010 jyldan beri dástúrli túrde uıymdastyrylyp keledi.
