Mektep dırektory Álııa Anafınanyń aıtýynsha, mektep janyndaǵy shaǵyn ortalyqta 18 bala tárbıelenýde. Shaǵyn mektep bolsa da, oqýshylar da, muǵalimder de árqashanda belsendi. Túrli mádenı-rýhanı, ádebı sharalarǵa qatysady.
Mysaly, bıyl «Ekoboom» oblystyq ekologııalyq sharasy aıasynda «Birinshi synyp baqshasy» ashylyp, mektep aýlasyna aǵashtar egildi. «Energııa jáne sý bolashaq úshin» taqyrybynda jaryqty, sýdy únemdeý taqyryptyq oıyndary ótkizilgen, «Jaqsylyq jasa» atty shaqyrýymen balalar úıine kómek retinde plastıkalyq qaqpaqshalar jınalyp, tapsyrylǵan. Sonymen birge, turaqty túrde ótetin «Shańyraq» jobasy, «Family day» otbasylyq jarystarǵa, «Ghallenge О́zgeshe sen!» atty marafonyna 5-9 synyp oqýshylary qatysady. Qazir oqýshylar «Shańyraq» jobasy aıasynda sheberhanada qaıyń aǵashynan shaǵyn kıiz úı qurastyrýda. Kıiz úı keskinin mektep muǵalimderi Dáýren Jumabekuly, Nurbek Amantaıuly jasaǵan.
Oqýshylar úshin mektep kitaphanasynyń da orny bólek. Bir ýaq qoldaryndaǵy uıaly telefondaryn tastap, ádebı kitaptar oqýdy ádetke aınaldyrǵan.
– Kitaphanamyzda oqýlyqtar, ádebı kitaptar bar, 14406 dana qordan turady. Oqyrmandar sany muǵalimder, aýyl turǵyndary, oqýshylarmen qosa alǵanda 130-dan asady. Gúlzada Tóken, Aıym Esqalı, Zarına Sosıal, Jarqyn Temir, Nuraı Elýbaı, Janerke Bekturova, Jeńis Túsipbek, Zeınish Bekzat, Samat Muhamedjan, Altynaı Qalelova sııaqty oqýshylar turaqty oqyrmandar, – deıdi mektep kitaphanashysy Ýlfat Qojanbaeva.
Kitaphanada mekteptiń jumys josparyna saı túrli jobalar júzege asyrylýda. Bıyl «100 kitap» jobasy boıynsha oqýshylarǵa M.Áýezovtiń, J.Aımaýytovtyń, Á.Kekilbaevtyń, M.Maǵaýınniń, B.Soqpaqbaevtyń, M.Qabanbaıdyń, M.Tvenniń, balalar ádebıetiniń ókilderiniń shyǵarmalaryn oqý usynyldy.
Qazaq tili men ádebıeti pániniń muǵalimi Gúlden Tóleýhannyń aıtýynsha, 9-synyp oqýshysy Názıra Amangeldi, 5-synyp oqýshysy Gross Murat, 9-synyp oqýshysy Nursultan Qarybaevtar mektep boıynsha belsendi kitap oqýshylar atanyp, rýhanı baılyqqa den qoıýýda. Olar «Kitap janashyrlary» úıirmesiniń músheleri.
Aıtsa aıtqandaı, qazir qarasańyz, búgingi mektep oqýshysy da, stýdentter de sıfrly álemge, jahandyq ǵalamtorǵa táýeldi. О́z oıyn óz tilimen túsindirý úshin kitap oqý asa qajet ekenin endi túsine bastadyq.
– Bizdiń maqsat – oqýshylarǵa mektepke kelgen jańa tehnologııalardy úırete, ıgere otyryp, dástúrli kitap oqý mádenıetin joǵaltpaý, – deıdi kitaphanashy.
Gúlden ótken jyly Semeıdiń Shákárim atyndaǵy ýnıversıtetin bitirip, dıplommen Saty aýylyna kelgen jas maman eken.
– Ustazdyq jolymdy shaǵyn aýyl mektebinen bastaǵandy jón kórdim. Shaǵyn mektep bolsa da, shyraıly. Jańashyldyqqa umtylýda. О́zgeristerge jyldam ilesemiz. Úırenerimiz de az emes. Osy jerden tájirıbe jınaqtap, oqý ornynda alǵan bilimimdi tolyqtyra túsemin degen oıdamyn, – deıdi Gúlden.
Mektep kitaphanasynda jańa kitaptardy tanystyratyn «Aýyzsha jýrnal» kúni, rýhanı-mádenı taqyryptaǵy kórmeler, oqyrmandarǵa arnalǵan suhbat-kezdesý kúnderi ótedi.
Pavlodar oblysy,
Maı aýdany
