«Nur Otan» partııasy Túrkistan oblystyq fılıalynyń uıymdastyrýymen, Qazyǵurt aýdany ákimdigi qoldaýymen bastalǵan ıgi is barysynda elge tanymal ónerpazdar men saıası uıym ókilderi aldymen Jańabazar aýylyndaǵy qymyzhanada aýdan aqsaqaldarymen kezdesti. Eldik máseleler qozǵalǵan kezdesýde qazynaly qarttar arnaıy kelgen azamattarǵa aq batasyn berdi. О́nerpazdar el aǵalaryna ánnen shashý shashyp, aqyndar arnaýlaryn aıtty. Al aýdandyq mádenıet úıinde erkin formatta ótken óner keshinde partııa fılıaly tóraǵasynyń orynbasary Qalyıma Jantóreeva jobanyń maqsatymen tanystyrdy. Joba kelesi jyly tutas oblysty qamtyp, shalǵaıdaǵy eldi mekender de ónermen sýsyndaıtynyn, el arasynan talantty jastar da shyǵatynyn jetkizdi.
О́ner keshinde poezııa áleminde ózindik qoltańbasy qalyptasqan aqyndar Aqmaral Leýbaeva, Aıdar Seıdázim men Muqaǵalı Kenjetaıuly jalyndy jyrlarymen kópshiliktiń kóńilinen shyǵa bildi. Al Bóribaı Orazymbetov pen Kárıma Oralovanyń aıtysynda qoǵamdyq máseleler de qozǵaldy. Qazyǵurt aýdanynyń talantty ónerpazdary óz ónerlerimen kórermendi tánti etti.
Túrkistan oblysy
