«Eńbek jáne halyqty áleýmettik qorǵaý mınıstrliginiń málimetine júginsek, Elimizdegi 106 myń múmkindigi shekteýli adamnyń 25 paıyzy ǵana jumyspen qamtylǵan. Jumys berýshiler múmkindigi shekteýli adamdardy qabyldaý úshin arnaıy kvota bólýi tıis. Úkimetke osy mindettiń oryndalý barysyn qadaǵalaýdy tapsyramyn. Oryndamaǵan jaǵdaıda ótemaqy tóleý máselesin qarastyrý kerek», dedi Prezıdent.
Sondaı-aq Memleket basshysy barlyq aımaqtarda Eńbekpen qamtý jáne áleýmettik ońaltý ortalyqtary jumys isteýi tıis ekenin sóz etti.
«Aqmola, Aqtóbe, Almaty jáne Batys Qazaqstan oblystary men Nur-Sultan, Shymkent qalalarynda mundaı ortalyqtar joq. Bul – úlken kemshilik, sondyqtan ondaı ortalyqtardy qalaıda ashýdy tapsyramyn. Osy jumysty memleket pen jekemenshiktiń áriptestigi arqyly iske asyrýǵa bolady», dedi ol.
Budan soń, Qasym-Jomart Toqaev jumys isteıtin múmkindigi shekteýli adamdarǵa ońaltý kómegin Memlekettik áleýmettik saqtandyrý qorynyń qarjysy esebinen berý máselesin qarastyrýdy usyndy.
