«Sahnager - 2019» Ulttyq teatr syılyǵymen marapattaý sharasyna Oral teatrynan úsh adam shaqyrylǵan bolatyn. Sonyń biri – ujymnyń ardageri, Qazaq SSR-i Memlekettik syılyǵynyń laýreaty, Qazaqstannyń eńbek sińirgen artısi, kúni keshe ǵana Prezıdent Jarlyǵymen «Parasat» ordenimen marapattalǵan Serdesh Qajymuratov «Teatr óneriniń damýyna qosqan erekshe úlesi úshin» nomınasııasy boıynsha marapattalyp, 500 myń teńgelik sertıfıkatqa ıe boldy.
Al «Eńbek dańqy» tósbelgisiniń ıegeri Erjan Qajymovty sharany uıymdastyrýshylar elimizdegi «Eń úzdik dybys rejısseri» degen ataqqa laıyq kórip, 1 mıllıon teńgelik syıaqymen marapattady. Al bolashaǵynan úmit kúttiretin jastarǵa beriletin «Úmit» syılyǵy (150 myń teńge) «О́ner salasynyń úzdigi» tósbelgisiniń ıegeri Nargız Shadyevaǵa buıyrdy.
Elimizdiń eń ulyq merekesi – Táýelsizdik meıramy tusynda Elordada elenip, joǵary júldege ıe bolǵan áriptesterin Hadısha teatrynyń ujymy áýejaıdan saltanatpen qarsy aldy. Aıta keterlik jáıt – Oral teatry tuńǵysh qoıylymyn 1993 jyly dál osy Táýelsizdik merekesi tusynda kórermenge usynǵan bolatyn.
Batys Qazaqstan
