-Tekseris jumystary barysynda barlyǵy 17 balyq tabyldy. Onyń ishinde 15 qylyshbalyq, bir taban jáne bir móńke anyqtalǵan. Balyq ólimine sebep - Jaıyq ózeniniń boıynda AMО́Z-diń sý toǵanynda 50 sharshy metrlik aımaqta brakonerlik balyq aýlaý quraldary bolýy múmkin. О́ıtkeni, ustalǵan balyqtarda mehanıkalyq zaqym baıqalǵan.
Barlyq jınalǵan balyq saraptamaǵa jiberilgen. Atyraý oblysynyń ekologııa departamenti, «Qazgıdromedsentr» AQ Atyraý fılıaly jáne Atyraý oblysy boıynsha taýarlar men qyzmetterdiń sapasyn baqylaý jáne qaýipsizdigi departamenti bastaǵan jumysshy top osy aımaqta kún saıyn, hımııalyq analızi úshin sýdyń synamasyn alady.
-19 jeltoqsanǵa deıin zııandy zattar úshin ShRK- den asý tirkelmegen. 18, 19 jáne 20 jeltoqsandaǵy sý synamalaryn zertteý nátıjeleri 3 kúnde daıyn bolady, dedi Atyraý oblysy boıynsha taýarlar men qyzmetterdiń sapasy men qaýipsizdigi departamenti basshysynyń mindetin atqarýshy Amantaı Jumaǵalıev.
