Bul esim dúıim jurtqa jaqsy tanys. Jaýyngerlik sambodan eki dúrkin álem chempıony, grepplıngten álem chempıony, pankratıon men qoıan-qoltyq aıqastan Eýropa birinshiliginiń jeńimpazy degen dardaı ataqtary bar Daǵystannyń týmasy erejesiz jekpe-jekten ótetin dúbirli dodalarda da jıi kúsh synasýda.
Eń áıgili uıym – UFC aıasynda ótken jarystarda ol 2012 jyldan beri óner kórsetip júr. Sol ýaqyt aralyǵynda barlyq qarsylasyn qoǵadaı japyrǵan Nurmagomedov bul kúnderi jeńil salmaqta chempıondyq ataqqa qol jetkizip otyr. Jalpy Habıb 28 ret aıqas alańyna shyǵyp, barlyq básekede basymdyq tanytty. 18 kezdesýdi merziminen buryn aıaqtady. Byltyr ol El Iаkvınta men Konor Makgregor syndy sańlaqtardy sabasa, bıyl Dastın Pýareny «qylqyndyryp» tastady. Endi ol Tonı Fergıýsonmen kúsh synasady.
Al Almatydaǵy jarystyń basty jekpe-jeginde Dáýren Ermekov pen reseılik Artýr Gýseınov orta salmaqtyń chempıondyq táji úshin talasady. Odan bólek, bizdiń eldiń jáne birqatar shet memleketten kelgen sportshylardyń qatysýymen taǵy 14 báseke ótedi.
