Taqyrypqa shyǵarylǵan ataýyna saı bul jerdiń aınalasy kókónis ósirýge jaratylǵandaı-aq. Soǵan oraı jergilikti turǵyndardyń negizgi sharýashylyq baǵyty da osy. Aýyl aldymen kartoby arqyly alysqa aıan. Kóp rette ekinshi nan delinetin bul ónim de bir táýiri, oblysta jetip-artylady.
Taqyrypqa shyǵarylǵan ataýyna saı bul jerdiń aınalasy kókónis ósirýge jaratylǵandaı-aq. Soǵan oraı jergilikti turǵyndardyń negizgi sharýashylyq baǵyty da osy. Aýyl aldymen kartoby arqyly alysqa aıan. Kóp rette ekinshi nan delinetin bul ónim de bir táýiri, oblysta jetip-artylady.
О́ńirde kartop ósirýmen shuǵyldanatyn sharýashylyqtar onshalyqty kóp emes. Sonyń ózinde aımaq turǵyndarynyń dastarqany qysy-jazy odan bos bolmaıdy. Al bulaı bolýǵa Abaı aýdanynyń atalǵan aýylynda oryn tepken «Astro-Agro» JShS-nyń úlesi úlken. О́ıtkeni, oblystyń kartopqa suranysynyń 53,2 paıyzyn bir ózi ótese, sondaı-aq kókónispen 74,3 paıyzǵa qamtamasyz etedi.
Seriktestikte bıyl 365 gektar tanapqa kartop otyrǵyzyldy. Bul jyldan jylǵa ulǵaıyp kele jatqan kólem. Jaqynda osynda ótken « Egistik alqaby» kúninde oǵan qatysýǵa aldy sonaý Gollandııadan kelýshiler ózderine etene jaqyn daqyldy ósirýdegi izdenister men jetistikterge rızalyq bildirdi. Jalpy, munda olardyń joldary jıi túsip turady. «Astro-Agro» men Eýropaǵa belgili «Solon» fırmasynyń arasyndaǵy kartop tuqymyn ósirý boıynsha is birlesip júrgiziletindikten munyń esh tańsyqtyǵy joq.
Tuqym demekshi, kóksýlyq kartopshylar onyń jergilikti aýa-raıy ereksheligine laıyqtalǵan tuqymyn daıyndaıdy. 40-qa jýyq sortynyń tańdalǵan túrin alyp, otyrǵyzýǵa elimiz qaı óńirleri tutynýshysynyń múmkindigi bar. Kúzgi jıyn-terimnen keıin arnaıy suryptalyp, saqtaýǵa qoıylatyn 7 myń tuqym satyp alynýǵa daıyn.
Aleksandr Shımpf jetekshilik etýshi seriktestik kartoptyń gektarǵa shaqqandaǵy shyǵymdylyǵyn ústemelete ósirýimen de belgili. Máselen, oblystaǵy tektes sharýashylyqtarda ortasha ónimdilik ár gektaryna 181 sentnerden aınalsa, al «Astro-Agroda» 350 sentnerden kem soqpaıdy. Mundaı mol jemis jyl saıyn 15 myń tonna kartop jınap alýǵa múmkindik berip júr. Buǵan deıin osynsha ónimdi saqtaý máselesi qıyndyq keltiretin. Byltyr syıymdylyǵy 8 myń tonnalyq qoımanyń salynýy kartopty jınalǵan qalpynda uzaq saqtaýǵa múmkindik bermek.
Kóksýlyqtar búginde aldaǵy kúzdiń berekeli bolýynan úlken úmit kútýli. Jazdyń jaýyn-shashyndylyǵyna baılanysty ónimniń tez jetilýi, agrotehnıkalyq talaptardyń múltiksiz oryndalýy, jıyn-terim jumystaryna jan-jaqty daıyndalý kartoptyń jyldaǵydan molynan alynýyna senim arttyryp otyr.
Aıqyn NESIPBAI,
«Egemen Qazaqstan».
Qaraǵandy oblysy,
Abaı aýdany.
