foto: Týrızm jáne sport mınıstrligi
Prezıdent atlettiń otandyq sport tarıhynda mánerlep syrǵanaýdan tuńǵysh ret altyn medal ıelenýin tarıhı mańyzy zor jetistik retinde atap ótti.
Qasym-Jomart Toqaev Mıhaıl Shaıdorovqa joǵary sheberligi, jeńiske degen erik-jigeri úshin alǵys aıtty.
Memleket basshysy barsha sport súıer qaýym men el azamattary sportshynyń aıtýly jetistigin maqtan tutatynyn jetkizdi.
Qasym-Jomart Toqaev Mıhaıl Shaıdorovty II dárejeli «Barys» ordenimen marapattaý týraly sheshim qabyldady.
Sondaı-aq jattyqtyrýshylarǵa, Konkımen mánerlep syrǵanaý federesııasyna jáne tıisti mınıstrlikke atqarǵan jumysy úshin rızashylyq bildirdi.
Prezıdent Olımpıada chempıonyna tolaıym tabys pen jeńis tiledi.
Aıta keteıik, álem chempıonatynyń kúmis júldegeri, qazaqstandyq mánerlep syrǵanaýshy Mıhaıl Shaıdorov Italııada ótken Olımpıada oıyndarynda altyn medal jeńip aldy.
