Merekelik sharada «Ula dala», «Abaıdyń 175 jyldyǵyna», «Tyshqandar hanshaıymy» dep atalatyn erekshe kostıým kıgen búldirshinder jurtshylyqtyń nazaryna ilikti. Erteńgilikte ónerpaz balalar jınalǵandardy konserttik baǵdarlamamen qýantty.
Batyr, Uly dala, ǵaryshker men túrli ertegi keıipkerleri bolyp kıingen balalardyń arasynda erekshe kostıýmimen kózge túskenderdiń biri Aqjar aýdanyna kelgen Altynaı Tileýtaeva. Ol keler jyldyń sımvoly sanalatyn tyshqandy beınelegen. «Jańajyldyq kostıýmdi tigýge tátem kómektesti. Jańajyldyq kóńil- kúıim jaqsy. Taqpaq oqyp beremin», deıdi ol.
Uldar jaǵy ózderiniń súıikti keıipkerleri– Zorronyny, órmekshi adamdy, ǵaryshkerdi beınelepti. Eldostyń armany– ǵaryshker bolý.
Karnavaldyq balǵa jınalǵan búldirshinderdi oblys ákiminiń orynbasary Rýslan Álishev aımaq basshysy atynana quttyqtap, jyly tilegin joldady.
Teatrlandyrylǵan kórinis mereke shyraıyn asha tústi. 200-den astam bala qatysqan jańa jyldyq shyrshada úzdik kostıýmderge beriletin bas júldeni Taıynsha aýdandyq Qaraǵash orta mektebiniń oqýshysy Jansaıa Qudabaı ıelendi. Onyń kostıými «Ula dala» dep atalady.
