Aýdan ákimdigi quqyqtyq sala bólimi basshysynyń mindetin atqarýshy Aıaýlym Qaıdarovanyń aıtýynsha, turǵyndarǵa endi «Bir tereze» qaǵıdasy boıynsha aýdandyq Jer qatynastary, Sáýlet jáne qala qurylysy, Bilim berý, Densaýlyq saqtaý, Jumyspen qamtý jáne áleýmettik baǵdarlamalar, Turǵyn úı-kommýnaldyq sharýashylyq, Jolaýshylar kóligi jáne avtomobıl joldary bólimderiniń mamandary qyzmet kórsetedi.
Oblys ákimdiginiń tapsyrmasyna sáıkes Mainfo derbes qyzmet kórsetý alańynda turǵyndarǵa keńes beriledi, tıisti qujattar qabyldanady. Memlekettik qyzmet kórsetý sapasyna ishki baqylaý qyzmetiniń tıimdiligin arttyrý úshin qajet.
Keńse esigi ashylǵan kúni-aq, aýdan ákimi Marat Aqtaev, Memlekettik qyzmet isteri agenttiginiń oblys boıynsha departamentiniń basshysy – Ádep jónindegi keńes tóraǵasy Toqtamys Jumaǵulov, Sybaılas jemqorlyqqa qarsy is-qımyl ulttyq bıýrosynyń oblys boıynsha departamentiniń shtab bastyǵy Sergeı Lýbenchenko, aýdan ákimdiginiń derbes bólimderiniń basshylary azamattardy qabyldady.
Qabyldaýǵa birinshi bolyp Serikbaı Keńesbaev, Aınur Kókeshqyzy, Madına Kalımýllına, Jibek Turysbekqyzy, Aıjan Taýova sııaqty aýyl turǵyndary keldi. Turǵyndar aýyldarda, aýdan ortalyǵyndaǵy qańǵybas ıtterden qutylý kerektigin, múgedekterge beriletin kómek týraly, orta jáne shaǵyn kásipkerlikti qoldaý, balabaqshaǵa kezekke turý, arnaıy orta bilimimen memlekettik qyzmetke ornalasý múmkindigi týraly suraqtaryna naqty jaýap aldy.
– Qazirgi kúni de Kásipkerler palatasyna, memlekettik korporasııa ókilderine keńes surap aýyl turǵyndary kelýde. Keńse ashylǵaly beri 7 kún ishinde 23 turǵynǵa keńes berildi, – deıdi Aıaýlym Qaıdarova.
Derbes qyzmet kórsetý alańyna kelgen árbir turǵynǵa barynsha yńǵaıly bolýy úshin kútý oryndary bar, balalarǵa arnalǵan oıyn buryshy jasalǵan. Alań aýdan turǵyndaryna saǵat 9.00-den 18.30-ǵa deıin memlekettik qyzmetter júıesinde keńester júrgizedi.
Departament basshysy Toqtamys Jumaǵulov óz sózinde, keńse alańynyń halyqqa jaqyndyǵy men ashyqtyǵy kózdelgendigin atap ótti.
Sondaı-aq azamattardyń ótinish-talaptaryna saı máselelerin anyqtap, bılik pen halyq arasyndaǵy baılanysty arttyrý negizgi maqsat ekenin jetkizdi.
Iаǵnı, bul kedergisiz orta jasaýǵa, basshylardyń jaýapkershiligin kúsheıtýge, aýyl turǵyndaryna jaıly jaǵdaı jasaýǵa jáne qoǵamdyq baqylaýdy kúsheıtýge múmkindik beretin joba degen sóz.
Pavlodar oblysy,
Maı aýdany
