Agenttik Tóraǵasy Alık Shpekbaev pen oblys ákimi Ońdasyn Orazalın jylyjaıda qyzanaq ósirý jumysynyń barysymen tanysty.
Esterińizge salyp ótsek, gollandııalyq ınvestordyń birqatar qıyndyqqa top bolǵandyǵy jaıynda aıtylǵan bolatyn. Nıderlandtyq ınvestordyń jylyjaı keshenine arnalǵan jabdyqtardy ákelýi barysynda, memlekettik kiristerge tıesili keden organy jospardan tys tekserý júrgizip, nátıjesinde, fıskaldar «Green Capital Kazakhstan» JShS 353 mln teńge kólemindegi baj salyǵyn artyq eseptegen.
Kásiporyn mamandary «Protecting business&investments» jobalyq keńsesine júginip, sybaılas jemqorlyqqa qarsy qyzmettiń máselege aralasýy barysynda aıyppul salyǵy tastalǵan.
«Sheteldik ınvestısııalar úshin óńirlik básekelestiktiń kúsheıýi kontekstinde eldegi parasatty bıznes-ortany qalyptastyrýdy yntalandyrý qajet. Bul baǵytta «Protecting business&investments» jobalyq keńsesi jumys júrgizýde, ol Qazaqstannyń Ortalyq Azııadaǵy básekelestik artyqshylyqtaryn nyǵaıtýǵa belgili bir úles qosady», - dep atap ótti Alık Shpekbaev.
