- Partııa Lıderi N.Á. Nazarbaevtyń kelisimimen Arman Qyryqbaev Nur Otan-nyń hatshysy bolyp taǵaıyndaldy. Onyń partııadaǵy, sondaı-aq ortalyq jáne jergilikti memlekettik organdardaǵy mol jumys tájirıbesi aldaǵy mindetterdi tabysty iske asyrýyna múmkindik beretinine senimdimin, - dep jazdy Baýyrjan Baıbek.
Arman Qyryqbaev – Qazaq memlekettik basqarý akademııasynyń, sondaı-aq QR SIM dıplomatııalyq akademııasynyń túlegi. Ár jyldary Nur Otan partııasynda, Syrtqy ister mınıstrliginde jumys istedi.
Sondaı-aq ol qoǵamdyq-saıası jumys departamentiniń dırektory, Mádenıet komıtetiniń tóraǵasy, Mádenıet jáne aqparat vıse-mınıstri, Qaraǵandy oblysy ákiminiń orynbasary, «Egemen Qazaqstan», «Kazahstanskaıa pravda» respýblıkalyq basylymdary, «Qazaqfılm» AQ, «Nur Media» JShS Dırektorlar keńesiniń tóraǵasy jáne t.b. birqatar qyzmette jumys istedi. 2015 jyldan bastap 2019 jylǵa deıin Almaty qalasy ákiminiń orynbasary bolyp, onda ishki saıasat, bilim berý, densaýlyq saqtaý sııaqty salalardy qadaǵalady.
Partııa hatshysy retinde Arman Qyryqbaev qoǵamdyq-saıası baǵytqa, Qoǵamdyq saıasat ınstıtýty, «Jas Otan» JQ, sarapshylar qaýymdastyǵymen birlesip jumys isteý sııaqty baǵyttarǵa jaýapty bolady.
Tóraǵanyń birinshi orynbasary onyń partııadaǵy, sonymen qatar ortalyq jáne jergilikti memlekettik organdardaǵy mol jumys tájirıbesiniń arqasynda, ol alǵa qoıǵan barlyq maqsattar men tapsyrmalardy tabysty júzege asyratynyna senim bildirdi.
Al osyǵan deıin partııa hatshysy qyzmetin atqarǵan Ǵabıdýlla Ospanqulov Úkimet qaýlysymen Aqparat jáne qoǵamdyq damý vıse-mınıstri bolyp taǵaıyndaldy. Ol jastardy qoldaý jáne azamattyq qoǵammen ózara baılanys salalaryn qadaǵalaıdy.
Baýyrjan Baıbek oǵan atqarǵan jumystary úshin alǵysyn bildirip, tabys tiledi. Onyń aıtýynsha, sońǵy alty aıda partııa alańdarynda memlekettik tildi, ulttyq mádenıetti damytý, balalardyń quqyǵyn qorǵaý máseleleri boıynsha kóptegen jumys atqarylyp, óńirlerdegi jastarymen jumys kúsheıtildi.
