Máselen, aýyz sýdy 10 eldi-meken jartylaı paıdalansa (Abdýlabad, Turdyabad, О́temis, Shaprashty, Bazarqaqpa, Jańatalap, Igilik, Kókbulaq, Táýelsizdik 20 jyl, Qyzyljar), 8 eldi meken tasyp ishedi (Batys, Soltústik saıajaı, Yntymaq-2, Aqjar, Aıkól, Asar-2, Aqtas-2, Turan). Qalanyń soltústik bóligin aýyz sýmen qamtamasyz etý úshin 3 magıstraldy sý qubyryn tartý qajet. Kelesi jyly Kómeshbulaq sý jınaqtaýshysynan basty magıstraldy sý qubyry tartylyp, oǵan 2 magıstraldy sý qubyrlary qosylady.
Nátıjesinde 2020 jyly 8 tasymalmen sý iship otyrǵan 72 myń, jartylaı qamtylǵan 9 eldi mekendegi 38 myńnan astam halyq aýyz sýmen tolyq qamtylady.
Sonymen qatar, qalany kanalızasııamen qamtý kórsetkishi tómen (49%) sebebi magıstraldy júıelermen qatar, qoldanystaǵy tazalaý qondyrǵysynyń qýattylyǵy jetkiliksiz.
Qalada kóp qabatty turǵyn úılerdi jáne shalǵaı eldi-mekenderdi qamtý úshin 2 sý tazartý qondyrǵysyn salý qajet. Qazirgi tańda tehnıkalyq-ekonomıkalyq negizdemeleri ázirlenýde. Qurylysy 3 jyldyq josparǵa engizildi.
Kelesi jyly 1 magıstraldy jáne 5 eldi mekende káriz júıesiniń qurylysy júrgiziletin bolady. Osynyń esebinen kórsetkish 49 paıyzdan 52 paıyzǵa jetedi.
Sonymen qatar 35 eldi mekende elektr sapasy tómen. Qazirgi tańda qalaǵa sapaly elektr qýatyn berý úshin 3 podstansııanyń jáne 13 eldi mekende elektr jelisiniń qurylysy júrgizilýde. Kelesi jyly atalǵan jobalardy iske asyrý arqyly 40 myńǵa jýyq qala turǵyndary sapaly elektrmen qamtylady.
Gazben qamtýǵa keletin bolsaq, qoldanystaǵy 2 ARGS-tiń qýattylyǵy jetispeıdi (qýaty 180,0 myń m3, naqty qajettilik 250 myń m3). Qosymsha 250,0 myń m3 saǵatyna quraıtyn №3 AGRS salý qajet.
Búgingi tańda №3 AGRS qurylys jumystary bastaldy. Tabıǵı gaz qysymyn kóterýdiń balamaly joldary qarastyrylyp, kelesi jyly «Sapaq Datqa» aýylynan uzyndyǵy 13,5 km, qýattylyǵy 25,0 myń m3 saǵatyna quraıtyn magıstraldy gaz qubyryn salý josparlanýda. Bul qalanyń 2-3 jyldyq qajettiligin tolyq jabady.
