Bul úshin «Bastaý» jobasy jumys jasaýda. Osy baǵyt «Eńbek» nátıjeli jumyspen qamtý jáne jappaı kásipkerlikti damytý baǵdarlamasynyń ekinshi baǵyty.
Iаǵnı, qaıtarymsyz negizde turǵyndar kýrstan ótedi. Sertıfıkat beriledi. Bul múmkindikterdi bıyl oblysymyz boıynsha 2545 adam paıdalanyp, kásipkerlik bilimin jetildirdi.
Bıyl «Jastar jylynda» «Jas kásipker» jobasymen 800 adam bilim aldy. Olardyń 298 joba ıesi jalpy quny 95,7 mıllıon. teńge kóleminde paıyzdyq mólsherlemesi tómen nesıe alyp, isin bastady.
Al, «Jas kásipker» arqyly oqyǵandar da grant aldy. Olarǵa 140 mıllıon teńge kóleminde grant berilgen.
Qyzdar tyrnaq árleý, vızajıst, shashtaraz, tiginshilik baǵyttaryna basymdyq berse, jigitter avtosheberhana, uıaly telefon jóndeý oryndaryn ashýda.
Aýyldarda mal sharýashylyǵyn damytýǵa úles qosqysy keletinder bar. Sharbaqty aýdanynda turǵyndar oqyǵannan keıin jeńildikti nesıe alyp, bıznes bastaǵandar az emes. Maı aýdanynda mal basyn kóbeıtýge kóńil bólýde.
