Ádilet mınıstri M. Beketaev baıandama jasady, ol bıyl Parlamentke «Pedagog mártebesi týraly», «Halyq densaýlyǵy jáne densaýlyq saqtaý júıesi týraly» kodeksti, Ekologııalyq kodeksti jáne t. b. qosa alǵanda 32 zań jobasy engizilgenin aıtty.
«2020 jylǵa arnalǵan jospar jobasyna ózekti jáne mańyzdy máselelerdi sheshýge, Tuńǵysh Prezıdent – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaevtyń tapsyrmalaryn oryndaýǵa baǵyttalǵan 17 zań jobasy engizildi» dedi A. Mamın.
Memleket basshysynyń saılaýaldy baǵdarlamasyn jáne Joldaýyn iske asyrýǵa arnalǵan zań jobalary qarastyrylǵan. Jańa zań jobalary, sonyń ishinde,«Ardagerler týraly», «О́simdikter álemi týraly» jáne áreket etip turǵan zańnamaǵa ózgerister engizýdi kózdeıtin taǵy da basqa birqatar zań jobalary ázirlenedi.
Premer-Mınıstr memlekettik organdardyń birinshi basshylaryna zań jobalaý jumysyn jeke baqylaýǵa alýdy tapsyrdy.
«Josparly zań jobalaryn engizý merzimderi buzylǵan jaǵdaıda tikeleı birinshi basshylardyń jaýapkershiligi qaralatyn bolady» dep A. Mamın, Ádilet mınıstrligine Úkimettiń zań jobalaý jumystarynyń 2020 jylǵa arnalǵan josparyn iske asyrý kezinde jalpy baqylaýdy kúsheıtýdi tapsyrdy.
