Sınoptıkterdiń málimetinshe, eldiń basym bóliginde qar, boran, tuman, kóktaıǵaq jáne ekpindi jel kútiledi. Keı jerlerde jeldiń ekpini 23-30 m/s-qa deıin jetýi múmkin. Sonymen qatar birqatar oblysta aýa temperatýrasy kúrt tómendeıdi.
Astanada 10 naýryzda mezgil-mezgil qar jaýyp, boran soǵyp, tuman túsýi yqtımal. Soltústik-batystan soǵatyn jeldiń jyldamdyǵy 15-20 m/s, kúndiz ekpini 23 m/s-qa deıin jetedi.
Aqmola oblysynda qar men boran kútiledi. Túnde oblystyń batysynda, kúndiz ońtústik-shyǵysynda qatty qar jaýady. Keı óńirlerde tuman bolady. Jeldiń ekpini 23-28 m/s-qa deıin kúsheıedi. Sondaı-aq 10 naýryzǵa qaraǵan túni aýa temperatýrasy 15-20 gradýsqa deıin tómendep, keı jerlerde 25-30 gradýs aıaz bolady. 11 naýryzǵa qaraǵan túni sýyq odan ári kúsheıip, 30 gradýsqa deıin aıaz kútiledi.
Jetisý oblysynda batys, ortalyq jáne taýly aýdandarda tuman men kóktaıǵaq bolady. Jeldiń jyldamdyǵy keı jerlerde 15-20 m/s, Alakól kólderi mańynda 23-28 m/s-qa deıin kúsheıedi.
Túrkistan oblysynyń ońtústigi men taýly aýdandarynda qatty jaýyn-shashyn (jańbyr, qar) kútiledi. Keı jerlerde kóktaıǵaq, jaıaý burqasyn jáne tuman bolady. Jeldiń ekpini 23-28 m/s-qa deıin jetedi.
Almaty oblysynda ońtústik-batystan soǵatyn jel soltústik-batysqa aýysyp, keı aýdandarda 23-28 m/s, al kúndiz ońtústik pen shyǵysynda 30 m/s-ten asady. Taýly jáne ońtústik óńirlerde qatty jaýyn-shashyn kútiledi. Oblystyń birqatar bóliginde kóktaıǵaq pen tuman bolady.
Pavlodar oblysynda qar jaýyp, jaıaý burqasyn soǵady, oblystyń soltústiginde qatty qar kútiledi. Jeldiń ekpini 23-28 m/s-qa deıin jetedi. Sonymen qatar aýa temperatýrasy kúrt tómendep, túnde 15-20 gradýs aıaz, 11 naýryzǵa qaraǵan túni 25-30 gradýsqa deıin aıaz bolady.
Abaı oblysynda jańbyr men qar aralas jaýyn-shashyn túsip, kóktaıǵaq bolady. Keı aýdandarda boran men tuman kútiledi.
Qostanaı oblysynda túnde jáne tańerteń qar jaýyp, boran soǵady. Keı óńirlerde tuman túsedi. Jeldiń ekpini 23 m/s-qa deıin jetedi.
Qaraǵandy oblysynda qar, jaıaý burqasyn jáne kóktaıǵaq kútiledi. Kúndiz boran soǵyp, jeldiń jyldamdyǵy 23-28 m/s-qa deıin kúsheıýi múmkin.
Ulytaý oblysynda túnde qar men jaıaý burqasyn bolady. Kúndiz keı aýdandarda qar, boran jáne kóktaıǵaq kútiledi. Jeldiń ekpini 23-28 m/s-qa deıin jetedi.
Atyraý oblysynda soltústik-batystan soǵatyn jeldiń jyldamdyǵy 15-20 m/s bolady. Sondaı-aq 10 naýryzǵa qaraǵan túni aýa temperatýrasy 15-20 gradýsqa deıin tómendep, keı jerlerde 23 gradýs aıaz bolýy yqtımal.
Mańǵystaý oblysynyń soltústik-shyǵysy men ortalyǵynda kóktaıǵaq pen tuman kútiledi.
Batys Qazaqstan oblysynda kúndiz qar jaýyp, jaıaý burqasyn soǵady. Jeldiń ekpini 15-20 m/s bolady.
Soltústik Qazaqstan oblysynda túnde qar jaýyp, jaıaý burqasyn kútiledi. Keı óńirlerde tuman bolady. Sonymen qatar aýa temperatýrasy 25-30 gradýsqa deıin tómendep, keı aýdandarda 33 gradýs aıazǵa deıin jetýi múmkin.
Aqtóbe oblysynda túnde qar men jaıaý burqasyn bolyp, keı jerlerde qatty qar jaýady. Jeldiń ekpini 23 m/s-qa deıin jetedi. Túnde 23-28 gradýs aıaz, soltústiginde 31 gradýsqa deıin sýyq bolýy múmkin.
Qyzylorda oblysynda túnde jáne tańerteń qar, boran jáne kóktaıǵaq kútiledi. Jeldiń ekpini 25 m/s-qa deıin jetedi. Sonymen birge aýa temperatýrasy kúrt tómendep, túnde keı jerlerde 16-21 gradýs aıaz, al 11 naýryzǵa qaraǵan túni 23 gradýsqa deıin aıaz bolýy múmkin.
Shyǵys Qazaqstan oblysynda jańbyr men qar jaýyp, kóktaıǵaq bolady. Keı aýdandarda boran men tuman kútiledi.
Al Jambyl oblysynyń ońtústigi men taýly aýdandarynda qatty jaýyn-shashyn (jańbyr, qar) boljanyp otyr. Taýly jerlerde jaıaý burqasyn soǵyp, tuman men kóktaıǵaq bolýy yqtımal.
