foto: Vıtalıı Nevar/RIA Novostı
Onyń aıtýynsha, AQSh áskeri men Izraıldiń Iranǵa jáne onyń ınfraqurylymyna qarsy áreketteri jalǵasyp jatqan jaǵdaıda, Iran aımaqtan munaı eksporttaýǵa ýaqytsha shekteý engizgen.
«Iran Qarýly kúshteri aımaqtan jaýlar men olardyń seriktesterine bir lıtr de munaı shyǵarýǵa jol bermeıdi», dedi Sardar Naını ırandyq Tasnim agenttigine bergen suhbatynda.
Ol sondaı-aq ırandyq zymyrandar men drondardyń qaýpine baılanysty amerıkalyq áskerı kemeler men ushaqtar Irannan 1000 shaqyrymnan astam qashyqtyqta júrgenin aıtty. Onyń sózinshe, óńirdegi amerıkalyq jáne ızraıldik áskerı kúshter qaýipsizdik maqsatynda qalalar men qonaqúılerde jasyrynýǵa májbúr.
Izraıl áskeri Tegeranda Iran áýe kúshteriniń shtabyna soqqy jasady
IRSK ókili Iran Qarýly kúshteri qaqtyǵystyń qashan aıaqtalatynyn ózderi aıqyndaıtynyn jáne qajet bolǵan jaǵdaıda Ormýz buǵazynda AQSh-tyń Gerald R. Ford avıanosesin qarsy alýǵa daıyn ekenin jetkizdi.
Eske salaıyq, buǵan deıin AQSh prezıdenti Donald Tramp Iranmen qaqtyǵys jaqyn arada aıaqtalýy múmkin ekenin málimdegen edi.
«Meniń oıymsha, soǵys is júzinde aıaqtaldy. Olarda flot ta, baılanys júıesi de, áýe kúshteri de joq», dedi Tramp.
Sonymen qatar ol Vashıngtonnyń áreketteri bastapqy boljamnan áldeqaıda jyldam nátıje bergenin, óıtkeni sarapshylar soǵys 4-5 aptaǵa sozylady dep kútkenin aıtty. Degenmen, AQSh prezıdenti Irandy tolyq jeńý týraly aıtýǵa áli erte ekenin atap ótti.
AQSh Irandaǵy mektepke jasalǵan soqqyǵa qatysy bar ekenin moıyndady
