«Aqtóbe» fýtbol klýbynyń málimetinshe, búgin tańerteń Shymkentte jergilikti «Ordabasy» men «Aqtóbe» jastar komandalary arasynda baqylaý matchy ótken. Kezdesýdiń ekinshi taımynyń basynda oıyn sátteriniń birinde týyndaǵan kelispeýshilik eki komanda oıynshylary arasyndaǵy jappaı qaqtyǵysqa ulasqan.
Lıtvanyń birneshe dúrkin chempıony «Atyraý» klýbyna bas bapker boldy
Janjal saldarynan «Aqtóbe» komandasynyń eki jas fýtbolshysy jaraqat alǵan. Klýbtyń habarlaýynsha, olardyń biri jaq súıegin syndyryp, ekinshisi ıek tusynan jaraqat alǵan. Dárigerler alǵashqy oıynshyǵa ota jasaý qajet ekenin anyqtaǵan.
Mıllıarder Shýhrat Ibragımov «Tobyl» fýtbol klýbyn satyp aldy
Klýb oqıǵaǵa baılanysty resmı málimdeme jasap, zorlyq-zombylyqty qatań aıyptaıtynyn bildirdi. «Aqtóbe» fýtbol klýby tıisti organdar atalǵan jaǵdaıdy jan-jaqty tekserip, quqyqtyq baǵa beredi dep senim bildiredi. Sondaı-aq klýb jaraqat alǵan jasóspirimderdiń tez saýyǵyp ketýin tilep, em-domyna qajet barlyq kómekti kórsetetinin málimdedi.
