Turǵyn úıler áskerı qalashyqtardy damytý baǵdarlamasy aıasynda tez salynatyn úılerdiń jeke jobasy boıynsha salynǵan. Páterler tolyǵymen jabdyqtalǵan jáne turýǵa daıyn. Atap aıtqanda ádemi árleý, sanıtarlyq tehnıka qurylyp, qajetti jıhaz ben turmystyq tehnıkada bar. Turǵyn úıge qarasty aýmaqta abattandyrylǵan. Aımaq boıynsha jaryq ornatylyp, asfalt tóselip, aýlada sporttyq alań, balalarǵa arnalǵan oıyn alańqaılary men oryndyqtar qurylǵan.
Áskerı qyzmetshilerdiń áskerı qalashyqqa kóshýi bólimshelerdiń jumyldyrý jáne jaýyngerlik daıarlyqtaryna oń septigin tıgizedi. Atap aıtqanda, turaqty jaýyngerlik daıarlyq bólimshelerine jatatyndar teńiz jaıaý áskerleri men áýe qorǵanysyna qarsy kúshter.
Odan basqa, qyzmettik páterdi alǵan áskerı qyzmetshiler aǵymdaǵy turǵyn úı tólemderiniń 50% kólemdegi mólsherin alýdy jalǵastyryp, jınaqtaryn tolyqtyra alady. Áskerı qyzmetshilerdiń balalary úshin mektepke aparyp, ákelý men bala baqsha bolady.
Qazirgi kezde Qazaqstan Qarýly Kúshterinde qyzmettik turǵyn úı qorynyń qurylysy mańyzdy máselelerdiń biri bolyp tabylady. Turǵyn úıdi jalǵa alý múmkindigi shekteýli alystaǵy garnızondarda qurylys júrgizýde basymdylyq beriledi.
Qyzmettik turǵyn úı áskerı qyzmetshini jáne onyń otbasyn qyzmet ótkerý orny boıynsha jaıly turý jaǵdaılarymen qamtamasyz etýge múmkindik beredi.
