Oblystyq Assambleıa jyldy qorytyndylady

Aldymyzdaǵy jyly 25 jyl­­dyq mereıtoıyn ataıtyn osy­naý aıryqsha ınstıtýttyń ha­lyq arasyndaǵy bedeli zor. Ol tózim­dilik pen qoǵamdyq keli­simniń búkil dúnıe júzi mo­ıyn­daǵan qazaqstandyq modelin jasady. Forýmda oblys ákiminiń orynbasary Rýslan Álishev sóz alyp, qatysýshylarǵa oblys ákimi­niń quttyqtaýyn jetkizip jáne uıym­nyń bıylǵy jumysyna qys­­qasha sholý jasap shyqty. Búgin­gi tańda oblystyq Assambleıa 26 etno-mádenı birlestiktiń jumysyn úılestirip, sonymen qatar ǵylymı-saraptamalyq top, Analar keńesi, Qoǵamdyq keli­­sim keńesi, «Mámile» klýby, Jýrnalıster klýby, volon­ter­­lik qozǵalys, «Aıbyn» áske­rı-patrıottyq klýby jáne t.b. quramdas bólikterdiń basyn biriktirip otyr. Bıylǵy jasal­ǵan úlken sharalardyń qata­rynda astana kúnine arnalǵan qazaq mádenıetiniń kúnderin, «Pokrovskıı perezvon» slavıan ánderi men tatar-bashqurt án­deriniń festıvaldaryn jáne t.b. ataýǵa bolady. Reseıdiń kór­shiles oblystarymen shekaralyq mádenı baılanystardy órken­detý maqsatynda Túmen oblysy qazaq­tarynyń quryltaıyna, Qor­ǵan oblysynyń aqparattyq-gýmanıtarlyq aksııasyna jáne t.b. qatysqan. Memlekettik til­di nasıhattaý maqsatynda «Myń bala» jobasy jyl saıyn ót­kizi­lip turady. 2019 jyly ol she­shen­­dik sózderdi tanytýdy kózdep «Asyl sóz mektebi» baǵytymen júrgizilgen. Jas balalar arasynda tildi nasıhattaý úshin «Sen de bir kirpish dúnıege...» atty shy­ǵar­mashylyq baıqaý ótkizilgen. Jalpy aıtqanda, bir jylda 18 278 adamdy qamtyǵan myńnan artyq shara jasalǵan. Sonymen qatar Dostyq úıinde qazaq ulty­nan basqa etnostar arasynda «Týǵan jerim – Qazaqstanym» atty shyǵarmashylyq baıqaý ótkizilgen.

Sonymen qatar R.Álishev ózi­niń sózinde jastardyń qyzyǵý­shyly­ǵyn týdyratyn ulttyq kos­tıým­derdiń «EtnoFashion» baı­­qaýy, «Mıss Assambleıa» ja­ry­sy, startap-jobalar baıqaý­lary t.b. ótkizilgenin atap ótti. «О́z elińdi taný» atty res­pýb­lı­kalyq aıryqsha jobanyń sheń­berinde jastardyń ekspedı­sııa­sy uıymdastyrylǵan. Eli­mizdiń 10 aımaǵynan kelgen jas­tardyń ekspedısııalary Sol­tús­tik Qazaqstannyń kıeli jer­lerin tamashalaǵan. Sonyń ishinde Aıyrtaý aýdanyndaǵy Botaı mekeni, Sh.Ýálıhanovtyń ájesi Aıǵanymnyń Syrymbettegi úıi, Qarasaı men Aǵyntaı batyr­lardyń memorıaldyq keshen­derine saıahattar jasalǵan.

Ústimizdegi jyly respýblı­kalyq «Jańǵyrǵan aýyl» jo­ba­­synyń sheńberinde iske asy­rylǵan jańa jobanyń biri – «Aýyl ákimi bolǵym keledi» dep atalǵan. Oǵan óńirdiń 70 ja­­sy qatysyp, aýyldy jań­ǵyr­­tý boıynsha ózderiniń joba­laryn baıqaýǵa usynǵan. 27 qa­ra­shada Dostyq úıinde onyń qorytyndysy shyǵarylyp, marapattaý sharalary bolǵan.

Osydan ári Rýslan Álishev Qazaq­stan halqy Assambleıa­sy­nyń Tóraǵasy N.Nazarbaevtyń aty­nan Qazaqstan Respýblıka­synyń táýelsizdigi men bir­ligin nyǵaıtýǵa, mádenıetara­lyq dıalog pen qa­ıy­rymdy­lyq­ty damytýǵa jáne qazaq­stan­dyq patrıotızmdi qa­lyp­tas­tyrýǵa qosqan eleýli úle­si úshin «Qazaqstan halqy As­sam­b­­­leıasynyń «Birlik» altyn me­dalimen» «Ázerbaıjan máde­nıeti­niń Soltústik Qazaq­stan oblys­tyq ortalyǵynyń» tóraǵasy Chın­gıs Kýrbanovty marapattady.

Qazaqstan Respýblıkasynyń «Til týraly» Zańynyń qabyldan­ǵanyna otyz jyl tolýyna oraı Qazaqstan Respýblıkasy Pre­zı­dentiniń Alǵys hatymen Halyq­aralyq «Qazaq tili» qoǵamynyń tóraǵasy J.Tájın, «Qyzyljar» qosymsha bilim berý jáne qyzmet kórsetý ortalyǵynyń dırektory J.Muhamedjanov jáne «Rýh.Til.Jańǵyrý» qoǵamdyq birlestiginiń tóraǵasy Á.Toqpanov marapattaldy.

Al Qazaqstan halqy Assam­b­leıasynyń «Jomart jan» tós­bel­gisin «Vaınah» sheshen-ıngýsh qaýymdastyǵynyń tóraǵasy Saııp Baıdýovtyń, evreı etno-mádenı birlestigi tóraǵasynyń orynbasary Elhan Evdaevtyń tósine qadady. Al Qazaqstan halqynyń birligin, qoǵamdyq kelisim men qazaqstandyq pat­rıotızmdi nyǵaıtýǵa qosqan laıyqty úlesi úshin Qurmet gramotasymen «Barbang» kúrd­ter qaýym­dastyǵy oblys­tyq fı­lıaly­nyń tóraǵasy Rashıd Nadırov nagradtaldy. As­sam­­b­­­leıanyń Alǵys hatymen «Kentron» armıan mádenıetiniń ob­­­­lys­­tyq ortalyǵy tóraǵasynyń oryn­basary Svetlana Malhasıan marapattaldy.

Osydan ári Assambleıanyń bel­­sen­dilerine oblystyq As­sam­b­leıanyń Alǵys hattary men syılyqtary tapsyryl­dy. Nursultan Nazar­baevtyń Qo­ǵam­dyq kelisim men jalpy­ult­­­tyq birliginiń qazaq­standyq mo­deline arnalǵan ǵy­ly­mı jobalar baıqaýynyń jeńim­pazdary da dıplomdarmen marapattaldy. Bul baıqaýda birinshi oryndy L.Jolmuqanova, ekinshi oryndy M.Tıtarenko jáne úshinshi oryndy Q.Beısenova alǵany belgili boldy. Al jýrnalıstıka salasyndaǵy «Shańyraq» baıqaýynyń jeńimpazy bolyp Natalıa Aıtova tanyldy.

Soltústik Qazaqstan oblysy