Májilis depýtattary, «Nur Otan» partııasy fraksııasynyń músheleri Qazaqstan Respýblıkasy Prezıdentiniń negizgi baǵdarlamalyq qujattary men bastamalaryn iske asyrý úshin qabyldanǵan zańnamalyq jańashyldyqtar, sondaı-aq Májilistiń zańnamalyq jumystary týraly habardar etedi.
Áńgime barysynda mádenıet salasynda kútiletin ózgeristerge erekshe nazar aýdaryldy. G.Ábdiqalyqovanyń aıtýynsha, Memleket basshysy Qasym-Jomart Toqaevtyń Joldaýy aıasynda mádenıet qyzmetkerlerine qoldaý kórsetýdiń naqty sharalaryn qarastyratyn «Mádenıet týraly» zańǵa túzetýler ázirleý tapsyryldy. Buǵan mádenı qoldaý qoryn qurý, sıfrlandyrý máseleleri jáne konserttik qyzmetti retteý kiredi. Sondaı-aq osy jyldyń bıýdjetinde teatr qyzmetkerleriniń jalaqysyn kóterýge qarajat qarastyrylǵan.
«Biz teatrlarǵa kómektesýdi jalǵastyramyz», dedi depýtat. О́z kezeginde teatr ártisteri «Memlekettik satyp alý týraly» zańǵa tıisti ózgertýler engizýdi kózdeıtin dekorasııa men sahnalyq kostıýmderdi satyp alýmen baılanysty problemalar týraly aıtty.
«Kezinde Elbasy úlken qoldaý kórsetken «Jastar» teatry ujymymen óte mańyzdy kezdesý ótti», dep qorytyndylady G.Ábdiqalyqova.
