Jıynǵa Ádilet departamenti, О́ńirlik sot oryndaýshylar palatasy, Polısııa departamenti, Jumyspen qamtý jáne áleýmettik baǵdarlamalardy úılestirý basqarmasy basshylary qatysty.
2019 jyly óńirdegi sot oryndaýshylar óndirisinde alıment óndirý týraly 8 myńnan astam atqarýshylyq qujat bolǵan eken. Prokýratýra qyzmetkerleri bul qujattarǵa tolyq tekserý júrgizip shyqqan. Alıment kóleminiń 70 paıyzǵa jýyǵy kiristen merzimdik ustap qalý arqyly júrgizilgen. Jergilikti organdarmen birlese júrgizilgen sharalar nátıjesinde barlyq aýdanda bos oryndar jármeńkesi ótkizilip, 650 boryshker jumyssyzdar esebine qoıylyp, jumysqa ornalasqan.
-Polısııa qyzmetkerleriniń kómegimen boryshkerlerdiń menshigindegi 148 kólik ustalyp, 16 tulǵadan kólik júrgizý kýáligi alyndy. Boryshkerlerdiń 506 bas úı janýary men 54 jyljymaıtyn múlki anyqtaldy. Sondaı-aq alıment qaryzy bar tulǵalardyń 79 márte shetelge shyǵýy anyqtaldy, deıdi BQO prokýrorynyń aǵa kómekshisi Baýyrjan Ahmetjan.
Osy tekseristerdiń nátıjesinde 109 boryshker ákimshilik jaýapkershilikke, 17 tulǵa qylmystyq jaýapkershilikke tartylǵan. Qabyldanǵan sharalardyń nátıjesinde alıment boıynsha bereshek 80 mln 42 mln teńgege deıin azaıǵan.
