Aımaqtar • 12 Qańtar, 2020

Soltústik Qazaqstan oblysynda aqbóken atqandar qolǵa tústi

31 ret kórsetildi

«Nıva» kóligi polısııa qyzmetkerlerin kórgen boıynda jyldamdyǵyn údetip, kózden jasyrynbaq boldy. Biraq ekologııalyq qylmystardyń jolyn kesý maqsatymen reıdke shyqqan polısııa qyzmetkerleriniń sheteldik, sapaly kóligi jyldam edi. Olar orystyń «Nıvasyn» eki attatpaı qýyp jetti. Bular Maǵjan Jumabaev aýdanyndaǵy orman alqaptaryn tekserýge shyqqan tabıǵatty qorǵaý polısııasy tobynyń qyzmetkeri, polısııa kapıtany Samat Meıramov, azamattyq jáne qyzmettik qarý aınalymyn baqylaý tobynyń qyzmetkeri, polısııa kapıtany Dmıtrıı Syganıýk jáne «Býlaev orman sharýashylyǵy» KMM saıatshysy Aleksandr Shıtov edi, Olar jyldam kóliktiń arqasynda kezekti brakonerlerdi ustady. «Saharanyń bota kózin» kózi qıyp atqan qaskóıler qolǵa tústi.  

«Nıvada» otyrǵan Býlaev qalasynyń 1991, 1993 jáne 1995 jyly týǵan úsh turǵyny bolyp shyqty. Olardan TOZ-34 ER markaly tegis uńǵyly myltyq pen 12 kalıbrli oq-dárileri bar oqshantaı alyndy. Júksalǵyshtan 2 eliktiń múshelengen eti tabyldy.

Osy fakti boıynsha QK 337-babynyń 3-bóligi «Zańsyz ańshylyq» boıynsha sotqa deıingi tergep-tekserý jumystary júrgizilýde. Avtokólik, múshelengen et, qarý men oq-dáriler tárkilendi. Kúdiktilerge qatysty bultartpaý sharasy qoldanyldy.

«Bul aǵymdaǵy jyly tirkelgen zańsyz ań aýlaýdyń ekinshi faktisi, - dep habarlady SQO PD Jergilikti polısııa qyzmeti basqarmasy Tabıǵatty qorǵaý polısııasy bastyǵynyń mindetin atqarýshy, polısııa kapıtany Ashat Qojabaev. – Reıdtik is-sharalar turaqty ótkiziledi. Tabıǵatty paıdalaný qaǵıdalaryn buzýdyń barlyq túrleri – polısııanyń nazarynda. Tek 6 qańtardan bastap oblysta ań aýlaý qaǵıdalaryn buzǵany úshin – 26, balyq aýlaý qaǵıdalaryn buzǵany úshin – 10 adam ákimshilik jaýapkershilikke tartyldy. Sondaı-aq, qarýdy zańsyz saqtaýdyń – 3, qarýdy saqtaý qaǵıdalaryn buzýdyń – 1 faktisi anyqtaldy».

Sonymen birge polısııa qyzmeti 1 qańtardan bastap oblysta borsyq, tuıaqty janýarlardan bulan, qaban, maral, sibir eligin aýlaýǵa tyıym salynǵanyn eskertedi. 15 aqpanǵa deıin tek qasqyr, túlki, qarsaq, qoıan, janat tektes ıt pen ondatrdy aýlaýǵa ǵana ruqsat berilgen.

 

Soltústik Qazaqstan oblysy 

Sońǵy jańalyqtar

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar