Jyl saıyn úsh myńnan astam ónerpaz baq synaıtyn baıqaýda N.Tilendıev atyndaǵy Kishi óner akademııasynyń shákirtteri el namysyn qorǵady. Olar 3 atalym boıynsha óner kórsetti.
«Sýret jáne maıly boıaý» mamandyǵynyń oqýshysy Zere Saıasat – bas júlde ıelense, Qurmanbaı Ińkár I dárejeli dıplommen marapattaldy. Sonymen birge akademııanyń «Qazyna» bı ansambli óz atalymynda I oryndy ıelendi.
– «Rojdestvenskıe zvezdy» halyqaralyq baıqaýy bıyl 20-shy ret uıymdastyryldy. Oǵan álemniń 8 eli men Reseı Federasııasyna qarasty 6 respýblıkanyń ónerpazdary qatysty. Oqýshylar úshin mundaı jarysta jeńimpaz atanýdyń mańyzy zor, – deıdi Akademııa dırektory Dolores Taskarına.
Aıta keteıik, osydan az ýaqyt buryn N.Tilendıev atyndaǵy Kishi óner akademııasynyń «akterlik sheberlik» mamandyǵynyń oqýshylary Chehııa astanasy Pragada ótken halyqaralyq jarystan bas júldemen oralǵan edi. Olar Shekspırdiń «Romeo ı Djýletta» pesasyn sahnalaǵan bolatyn.
