Qaıyrymy mol qoǵam qııaǵa shyǵady

Aýyldyń jel jaq ótinde tu­ra­tyn jalǵyzbasty zeınetker Valentına Demıdkoǵa qys bir­qy­dy­rý qıyndyqtardy ala keledi. Sonyń ishinde eń qıyny – aýlany qardan tazartý. Túneýkúni túnimen maıly boran uıytqydy da turdy. Qulqynsáriden aýlaǵa shyqsa, qar basyp qalypty. Kishkentaı kúregimen túrtinip kórgen. Qaıda?! Sý qar kóksoqtalanyp, jabysyp jatyr. Tipti bir kúrek túgil, bir shókimin kótere alar emes. Túske deıin beınettengen. Tús aýa mektep oqýshylary keldi. Zeınetker aq túıeniń qarny jarylǵandaı qýanyp qaldy. Tań atqaly taý-taý bolyp úıilgen qasat qardyń azaby tula boıyn sýyq temirmen qaryp alǵandaı tońdyryp tur edi, qoǵamshyl, qaıyrymdy balalardyń kómek qolyn sozǵan izgilik nury qart júregin jadyratyp jibergeni. Jalǵyz ózi ǵana emes, osynda turatyn Uly Otan soǵysynyń ardageri Nına Skarıýkınanyń da jaǵdaıy málim. Qarǵa adym jer uzap shyǵa almaıtyn ol qarııany da jańaǵy balalar qamqorlyqtaryna alǵan. Qysy-jazy úı mańaıyn tazalap, azyq-túligin ákelip berip, qolǵabystaryn tıgizýde. О́zderi de áńgimeshil, ár nárseni bilgisi keledi. Ásirese Nına apaıdyń Uly Otan soǵysy kezindegi qııapat oqıǵalar jaıly aıtqan estelikterin qulaq qoıyp tyńdaıdy. Birde erlik isterge súısinse, endi birde maıdan dalasyndaǵy bir-birin qutqaryp, óz bastaryn qaterge tigip, joldas­tary úshin jandaryn pıda etken abzal azamattardyń taǵdyryna muńaıady. Qalaı bolǵan kúnde de, qart kókireginde qattalyp jınalǵan adamgershilik, kisilik týraly eskir­mes estelik jas júrekterge yqpal ete­tindigi daýsyz.

Makın orta mektebinde «Eńbek­tik desant» atty qozǵalys osydan on jyl buryn qurylǵan. Mektep muǵalimderi men oqýshylar ózara aqyl­dasa kele, volonterler klýbyn qurý ıdeıasy paıda bolyp edi. Jan­da­rynda ómir súrip jatqan keıbir jabyrqaý jandardyń kóńiline medet bolýǵa barlyǵy qulshynys bil­dirdi. Qazir mektep janynan qu­rylǵan «Meıirimdi júrek» erik­ti­ler klýbynyń quramynda joǵary synyptarda oqıtyn on besten astam oqýshy bar. Bir-biriniń jaqsy isin úlgi etken jas tolqyn arasynan atalmysh klýbqa múshe bolýǵa talpynyp júrgender de az emes.

– Biz ózimizdiń osy bir bolar-bolmas kómegimiz arqyly jalǵyzilikti jandardyń demeýi bolǵymyz keledi, – deıdi klýbtyń kóshbasshysy, 10-synyp oqýshysy Abylaı Qasymov, – zamandastarymyzdyń ara­synda adamgershilik pen aza­mat­tyq­ty, meıirimdilik pen adaldyqty dá­rip­te­gimiz keledi.

Jastardyń kóshbasshysynyń aıtýyna qaraǵanda, jyl boıyna jos­par jasalady eken. Ol jos­par­larynda ózderiniń qoldarynan keletin naqty ister saralanady. Sol is-qımyldary arqyly salaýatty ómir saltyn nasıhattap, múgedekter men qart adamdarǵa kómektesip, keıde boı kórsetip qalatyn aýyl ishindegi quqyq buzýshylyqtyń aldyn alýǵa atsalyspaq. Ardager­ler­men kezdesip, kóp balaly otbasylarmen taqyryptyq júzdesýler ótkizý de mejelengen.

Aıtpaqshy, balalardyń osyndaı bir izgi nıetine ata-analary da qoldaý bildiripti. Balalardyń qaýqary jetpeı jatqan iske ata-ana­l­ary da qolǵabys kórsetip qoıa­dy. Janashyrlyq – jalǵyz qol­ǵa kúrek ustap qar kúreý ǵana emes, rýhanı jan dúnıeni de sáýlelendirý. Bul baǵytta da óner­li balalardyń tabıǵı talanttary júdeý kóńildi jadyratarlyq. Oblystyq ju­mys­pen qamtý jáne áleý­mettik baǵ­darlamalardy úıles­tirý bas­qar­masynyń Birjan sal aýdan­dyq «Meıirim» arnaýly áleýmettik qyz­­met kórsetý ortalyǵyndaǵy qarttar men múgedekterge arnap qyzǵylyqty konsert qoıady. Aýyl turǵyndary da mundaı qyzyqtan shet qalmaıdy.

– Biz úshin, – deıdi Abylaı Qasymov, – eshbir ataqtyń qajeti joq. Úlkenderdiń aq batasyn alsaq bolǵany.

Aqmola oblysy,

Birjan sal aýdany