Jańa ádis Kókshetaý qalasy ákiminiń keńsesinde memlekettik qyzmetshilerdiń jumys kompıýterlerinde «Para berme, para alma» degen habarlama arqyly júzege aspaq.
Sybaılas jemqorlyqqa qarsy «Para alma, para berme» eskertýi memlekettik apparattyń ár qyzmetkeriniń jumys ústeline ornatylady. Ekrandaǵy 20 sekýndtyq eskertpe sybaılas jemqorlyqtyń aldyn alýdyń jáne memlekettik qyzmetkerler arasynda atalmysh indetke qarsy mádenıetti qalyptastyrýdyń tıimdi ádisteriniń biri bolady dep kútilýde. Eskertý tek Kókshetaý qalalyq ákimdiginiń qyzmetkerleriniń kompıýterinde ǵana emes, qala ákimi Amangeldi Smaıylovtyń da qyzmettik quralyna ornatyldy.
–Memlekettik qyzmettegi árbir adam jumys kúnin kompıýteri arqyly sybaılas jemqorlyqtyń aldyn-alý týraly eskertýden bastaǵany óte oryndy. Sol eskertý arqyly jemqorlyqqa jolamaı, qyzmetin adal atqaratyn bolady. Qalalyq ákimdikte qabyldanǵan tájirıbeni aldaǵy ýaqytta oblystyń barlyq memlekettik organdaryna engizý josparlanýda, deıdi oblystyq sybaılas jemqorlyqqa qarsy is-qımyl jónindegi departamentiniń basqarma jetekshisi Baqytjan Ámirhanov.
