Aımaqtar • 16 Qańtar, 2020

Kókshetaýda Kóken Shákeev mýzeıi ashyldy

49 ret kórsetildi

Saltanatta oblystyq bilim basqarmasy basshysynyń orynbasary Botagóz Dúısenova men oblystyq mádenıet basqarmasynyń ókili Sáýle Júzjanova quttyqtaý sóz sóılep, shaǵyn mýzeıdi ashýǵa atsalysqandarǵa alǵysyn bildirdi.

Bul ıgilikti isti Málik Ǵabdýllın mýzeıiniń dırektory Qudaıberli Myrzabek uıymdastyrǵan eken. Oǵan mekteptiń burynǵy dırektory Mádına Belgibaıqyzy, Sandýǵash Asylbekqyzy, Baıan Jarqyzy kómektesipti. Mýzeı óńirimizdiń tarıhı tulǵalaryn jergilikti turǵyndar men oqýshylarǵa tanytýǵa baǵyttalǵan. Halyq aqyny sonaý keńes zamanynda aıtys óneriniń úzilmeı, damýyna aıtýly úles qosqan.

Qazaqstannyń eńbek sińirgen qaıratkeri, jazýshy-dramatýrg, Senatorlar keńesiniń múshesi Jabal Erǵalıev quttyqtaý sózinde Kóken Shákeev mýzeıiniń ashylýy Aqmola men Kókshetaý óńiri úshin aıtýly tarıhı oqıǵa ekenin, halyq aqynynyń esimin el esinde saqtaý úshin mýzeıdiń úlken mańyzy bar ekendigine toqtaldy. Elimizdiń rýhyn kóterip, eldigin kórsetip, eldiń sanasyn oıatýǵa, tarıhy men shejiresin jınaýǵa qısapsyz eńbek etken Kóken aqynnyń izbasary, osy isti uıymdastyrýǵa úlken eńbek sińirgen Qudaıberli Myrzabekke alǵysyn bildirdi. Kókshetaýdyń án ónerin, seriligi men saldyǵyn, aqyn-jyrshylarynyń óner jolyn jalǵastyrǵan Kóken Shákeev ekendigi daýsyz másele.

Ol Kókshetaýdyń abyroıy, aıdyny, aıbyny, asqar taýy boldy. Shara barysynda Krasnoıar selolyq okrýginiń ákimi Nurlan Aısın men Maralbek Kókenuly ózderiniń jyly lebizderin bildirdi. Mýzeıdiń kók lentasy qıylyp, shashý shashyldy. Sharaǵa qatysýshylar mekteptiń «Rýhanı jańǵyrý» mýzeıin aralap, mektep oqýshylary men Kóken Shákeev atyndaǵy aıtys aqyndary mektebiniń ónerin tamashalady.

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar