О́ńirdiń 2019 jylǵy áleýmettik-ekonomıkalyq damýyn tarazy basyna tartsańyz, barlyq salalarda birshama ósim baıqalady. О́tken jyly aýdan úshin mańyzdy oqıǵalarǵa toly boldy. «Rýhanı jańǵyrý» baǵdarlamasy boıynsha aıta qalarlyqtaı sharalar júzege asyryldy. Ásirese, aýdanǵa esimi berilgen Birjan saldyń mereıtoıyna baılanysty ultymyzdyń rýhanı álemine óshpes úles qosar shyǵarmashylyǵy jan-jaqty nasıhattaldy.
Aýdanda jumyssyzdyq deńgeıi ótken jyldarmen salystyrǵanda birshama tómendep, áleýmettik nysandar salyna bastady. Jumyspen nátıjeli qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» jańa baǵdarlamasy sheńberinde ótken jyly qoldaý sharalarymen 367 adam qamtylǵan. Aýyldyq eldi mekenderdi sapaly aýyz sýmen qamtamasyz etý máselesi de sheshimin tabýda. Sáýle, Qudyqaǵash jáne Aqtas aýyldaryna sý qubyryn tartý jumystary bastalyp ketti. Al, Makınka, Baımyrza, Sáýle, Tasshalqar, Alǵa aýyldyq klýbtary qalpyna keltirilýde. «Sybaǵa», «Altyn asyq», «Bıznestiń jol kartasy – 2020» jáne «Jumyspen qamtýdyń jol kartasy-2020» tárizdi memlekettik baǵdarlamalar oıdaǵydaı júzege asyrylýda.
