Aımaqtar • 17 Qańtar, 2020

Bulandydaǵy berekeli is

39 ret kórsetildi

Aýdanda óńdeý ónerkásibi salasyndaǵy ósim úsh ese kóbeıgen. Aýyl sharýashylyǵy salasyndaǵy ósim de 43 prosentti qurap otyr. 

Aýdan ekonomıkasynyń nyǵaıýyna Makınsk qus fabrıkasynyń ónim kólemin 18 mıllıard teńgeden asyrýy yqpal etip otyr. О́ndiris oshaǵy bıyl fabrıka qurylysynyń ekinshi kezeńin iske qosýy tıis. Osy maqsatqa 15 mıllıard teńgege jýyq qarjy quıylmaq. Aýdannyń aýyl sharýashylyǵy óniminiń jalpy quny 36 mıllıard teńgeni quraıdy. О́nerkásibi órken jaıǵanymen, mal sharýashylyǵyn myqtap qolǵa alý qajet. Sońǵy derekterge qaraǵanda, mal basy birshama azaıyp ketken. Osy jaıdy eskergen  bulandylyqtar jaıylymdy tıimdi paıdalanýǵa basymdyq berip otyr.

– Aýdan aýmaǵynda jaıylymdyq jerlerdi qoldaný jáne jer qoryn basqarýdyń 2020-2021 jyldarǵa arnalǵan jospary ázirlenýde. Aýyldyq okrýg ákimderi jergilikti turǵyndarmen birlese otyryp, ár aýmaqtaǵy jaıylymdy qoldaný júıesin anyqtaý isi bastaý aldy. Bul jumys ár aýyldyń tórt túlik malyn baǵatyn jaıylym aýmaǵyn, onyń geobotanıkalyq jaǵdaıyn anyqtaý úshin qajet. Aýyldyq okrýgterde jaıylym tapshylyǵy oryn alsa, aýyl sharýashylyq jerlerin tıimdi paıdalanbaǵan sharýashylyqtardyń aýmaǵy zań aıasynda keri qaıtarylady. Sondaı-aq, aýyl irgesinen shalǵaıda, maldy óristetip baǵý júıesi de qarastyrylýda, – deıdi Bulandy aýdanynyń ákimi Talǵat Erseıitov.

Ekonomıkalyq ósim bıýdjettiń kiris bóligine 1 mıllıard 817 mıllıon teńge túsiripti. Bul belgilengen mejeden 11 prosentke artyq. Aýdanda qurylys materıaldaryn óndirý, maıly daqyldardy óńdeý baǵyttarynda da iri kásiporyndar jumys isteýde. Sonymen qatar,  myń jarym shaǵyn jáne orta bıznes sýbektileri de óńir ekonomıkasyna óz úlesin qosyp keledi. Ekonomıkalyq órleý aýdannyń qurylys salasyna qozǵaý saldy. 

– Aýdan aýmaǵynda kópqabatty 2 turǵyn úı qurylysy jalǵasýda. О́tken jyly 8,4 myń sharshy metr turǵyn úı paıdalanýǵa berildi. Bul 2018 jylǵy kórsetkishten eki ese kóp. Kommýnaldyq turǵyn úı qorynan jetimder úıleriniń tárbıelenýshileri, kópbalaly otbasylar men ózge de muqtaj turǵyndarǵa baspana berildi, – deıdi Bulandy aýdanynyń ákimi Talǵat Erseıitov.

Bulandyda turǵyn úı salýǵa tusaý bolǵan bir másele – ortalyq jylý qazandyǵynyń bolmaýy. Qurylysy aıaqsyz qalǵan nysanǵa oblys bıýdjetinen qarjy bólinip, ıesiz qalǵan páterlerdi qalpyna keltirý jumystary qolǵa alyndy.

 

Bulandy aýdany

Aqmola oblysy

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar