Aımaqtar • 17 Qańtar, 2020

Kókshetaýda oblystyq aýrýhananyń jańa korpýsy salynady

80 ret kórsetildi

Kókshetaýda kópsalaly oblystyq aýrýhananyń taǵy bir korpýsy salynatyn boldy.

Oblystyq aýrýhananyń dırektory Nurlan Jarovtyń aıtýynsha, oblystyq kópbeıindi aýrýhananyń jańa ǵımaraty 625 orynǵa laıyqtalmaq. Odan bólek, 130 oryndyq kúndizgi stasıonar da salynady. Jańa korpýsta 28 klınıkalyq jáne 20 paraklınıkalyq bólimshe jumys isteıdi. Qajetti klınıkalyq-dıagnostıkalyq qondyrǵylar ornatylady. Al dárigerlerge kúndizgi stasıonarda qajetti konsýltasııalyq-dıagnostıkalyq qyzmetter kórsetýge bar múmkindik jasalatyn bolady.

– Jańa korpýstyń jobasy daıyn. Jer telimi 16 gektardy quraıdy. Bul aýrýhana jeke kásipkerler esebinen salynady, – deıdi kópsalaly oblystyq aýrýhananyń dırektory Nurlan Jarov.

Jańa medısınalyq nysan «Saryarqa» shaǵyn aýdanynda ornalaspaq. Jergilikti halyq bul habardy qýana qabyldady.

– Qazirgi tańda №1 qalalyq emhanaǵa qaraımyz. Árıne, óte jaqsy jańalyq. Jańa qurylysty úılerdiń qasynda aýrýhana aýadaı qajet, – deıdi Kókshetaý qalasynyń turǵyny, zeınetker Kúlpásh Bekturova.

 

KО́KShETAÝ

 

 

Sońǵy jańalyqtar

Uqsas jańalyqtar